"मुंबईकरांनो गावकऱ्यांची काळजी घ्या; आता तुमच्यावर जबाबदारी" - मराठा आरक्षणाची सभा सरपंच मॅडमनी गाजवली

मराठा समाजाला ओबीसी प्रवर्गात आरक्षण देण्याच्या मागणीसाठी मराठा आंदोलक मनोज जरांगे यांच्या नेतृत्वाखालील आंदोलनाने मुंबईला धडक दिली आहे. आझाद मैदानावर २९ ऑगस्ट रोजी होणाऱ्या उपोषणासाठी संपूर्ण महाराष्ट्रातून लाखो मराठा बांधव मुंबईकडे रवाना झाले आहेत. या मोर्चाला राजकीय नेत्यांकडून पाठिंबा मिळत असताना, पुण्यात झालेल्या एका सभेत माजी सरपंच आणि राष्ट्रवादी काँग्रेस (अजित पवार गट) नेत्या निर्मला शुभम नवले  यांच्या भावनिक भाषणाने सभा गाजली.कारेगावच्या माजी सरपंच नवले यांनी मुंबईकरांना ‘गावाकडच्या माणसांची काळजी घ्या’ असा संदेश देत एकतेचे आवाहन केले. हा व्हिडिओ त्यांनी इन्स्टाग्रामवर शेअर केला असून, सोशल मीडियावर व्हायरल होत आहे. या भाषणाने आंदोलनाला सामाजिक एकतेचा आयाम मिळाला असून, गणेशोत्सवाच्या पार्श्वभूमीवर मुंबईत सुरक्षिततेच्या मुद्द्यावर चर्चा सुरू झाली आहे.‘मुंबईकरांनो, गावाकडच्या माणसांची काळजी घ्या’कारेगावच्या माजी सरपंच आणि अजित पवार गटाच्या नेत्यी निर्मला शुभम नवले यांनी पुण्यातील सभेत छत्रपती शिवरायांच्या शिकवणीचा उल्लेख करत भावनिक भाषण केले. त्यांनी सांगितले की, “छत्रपती शिवाजी महाराजांच्या शिकवणीने आपल्याला नेहमीच प्रेरणा दिली आहे. आपल्या सर्वांची जबाबदारी आहे की सुरक्षितपणे मुंबईत पोहोचावे.” मुंबईकरांना उद्देशून त्यांनी म्हटले, “मुंबईकरांनो, आजवर तुम्ही गावाकडे आलात तेव्हा गावकऱ्यांनी नेहमी तुमचे स्वागत केले, तुमची काळजी घेतली. आता वेळ आली आहे की तुम्हीही गावाची आणि गावकऱ्यांची तितकीच काळजी घ्यावी. गाव आणि मुंबई हे दोन्ही आपलेच आहेत दोघांची जबाबदारी आपण सर्वांनी समानरित्या पार पाडूया.” असं त्यांनी म्हटलं आहे.आरक्षणाबाबत अन्याय होणार नाही : देवेंद्र फडणवीसदेवेंद्र फडणवीस म्‍हणाले, माझी दोन्ही समाजाला विनंती आहे, दोन्ही समाजासाठी शासन काम करेल. ओबीसी समाजाने लक्षात ठेवावे आम्ही सर्व प्रश्न सोडवू, मराठा समाजाचे प्रश्न आम्हीच सोडवले, इतर कुणीही प्रश्न सोडवले नाहीत. मराठा समाजाला आपण आरक्षण दिले आहे आणि कोर्टात टीकलेले आहे, असे यावेळी फडणवीसांनी म्हटले. तसेच, लोकशाहीत प्रत्येकाला आपले मत मांडण्याचा अधिकार आहे, आम्ही मराठा समाजाला आरक्षण दिले आहे. मी आणि एकनाथ शिंदे मुख्यमंत्री असतानाच आरक्षणाचा प्रश्न सुटलेला आहे.