युद्धबंदी नंतर काही तासांतच पाकिस्तान कडून कुरापती; शस्‍त्रसंधीचे उल्‍लंघन, ओमर अब्दुल्ला यांनी व्यक्त केला संताप....... भारताच्या अनेक भागात पुन्हा ब्लॅकआऊट

नवी दिल्‍ली – भारत आणि पाकिस्‍तानमध्‍ये शस्‍त्रसंधी झाल्‍याचा काही तासांतच पाकिस्तानकडून शस्त्रसंधीचे उल्लंघन करण्यात आले. जम्मूतील आंतरराष्ट्रीय सीमेवर राजौरी, उधमपूर, या भागात गोळीबार सुरु केला आहे.
यामुळे श्रीनगरमध्ये पुन्हा स्फोटांचे आवाज येत आहेत. दरम्यान पंजाबच्या पठाणकोटमध्‍ये देखील गोळीबार सुरु केल्याचे वृत्त आहे. जैसलमैर आणि बारमेडमध्‍येही ड्रोन दिसत आहे. पाकिस्‍तानच्‍या या आगळीकीवर जम्‍मू-काश्‍मीरचे मुख्‍यमंत्री ओमर अब्‍दुल्‍ला यांनी संताप व्‍यक्‍त केला आहे.

अब्दुल्ला यांनी दोन ट्विट केले आहेत. त्यातील एका ट्विटमध्ये व्हिडिओ शेअर करत प्रश्न उपस्थित केला आहे. याला युद्धबंदी म्हणत नाहीत, श्रीनगरच्या मध्यभागी असलेल्या हवाई संरक्षण तुकड्या नुकत्याच उघडल्या गेल्या आहेत.
तर, युद्धबंदीचे काय झाले? श्रीनगरमध्ये स्फोटांचे आवाज ऐकू आल्याचे ओमर अब्दुल्ला यांनी म्हटलं आहे. त्यामुळे, सीमारेषेवरील तणाव अद्यापही कायम असून काही भागांत पाकिस्तानचे ड्रोन घिरट्या घालताना दिसत आहेत. म्हणून, पाकिस्तान म्हणजे कुत्र्याचं शेपूट वाकडं ते वाकडंच असंच या शस्त्रसंधी उल्लंघनावरुन दिसून येत आहे.

हवाई वाहतूक सुरु करण्याची मागणीभारत आणि पाकिस्तान यांच्यात युद्धबंदी झाली आहे, मला आशा आहे की विमानतळे लवकर सुरू होतील आणि नागरी उड्डाणे पुन्हा सुरू होतील. केंद्र सरकार हवाई क्षेत्र पुन्हा सुरू करण्यासाठी जलद गतीने पाऊल उचलेल अशी मला आशा आहे.

श्रीनगरहून हजसाठी हवाई वाहतूक पुन्हा सुरू करण्यात येईल, असे ट्विट ओमर अब्दुल्ला यांनी केले होते. मात्र, त्यानंतर, काही वेळातच त्यांनी शस्त्रसंधीचं उल्लंघन होत असल्याचे ट्विट केले आहे.