मोठी बातमी: राष्ट्रवादी शरद पवार गटाची दुसरी यादी जाहीर

विधानसभा निवडणुक 2024साठी राष्ट्रवादी काँग्रेस (शरदचंद्र पवार) पक्षाची उमेदवारांची दुसरी यादी जाहीर करण्यात आली आहे. राष्ट्रवादी शरद पवार गटाचे प्रदेशाध्यक्ष जंयत पाटील यांनी पत्रकार परिषदेत उमेदवारांच्या नावाची घोषणा केली आहे.
दुसऱ्या यादीमध्ये एकूण 22 उमेदवारांच्या नावाची घोषणा करण्यात आली आहे. पहिल्या यादीमध्ये राष्ट्रवादी शरद पवार गटाकडून 45 उमेदवारांच्या नावाची घोषणा करण्यात आली होती. त्यानंतर आता दुसरी यादी समोर आली आहे.

दुसऱ्या यादीतील उमेदवारांची नावे-मतदारसंघ

मतदारसंघ क्र. 
मतदार संघाचे नाव 
उमेदवाराचे नाव

16
एरंडोल
सतीश अण्णा पाटील

44
आर्वी
मयुरा काळे

111
गंगापूर
सतीश चव्हाण

116
बागलाण
दीपिका चव्हाण

119
येवला
माणिकराव शिंदे

120
सिन्नर
उदय सांगळे

122
दिंडोरी
सुनीताताई चारोसकर

123
नाशिक पूर्व
गणेश गिते

135
शहापूर
पांडुरंग बरोरा

141
उल्हास नगर
ओमी कलानी

195
जुन्नर
सत्यशील शेरकर

206
पिंपरी
सुलक्षणा शिलवंत

211
खडकवासला
सचिन दोडके

212
पर्वती
अश्विनीताई कदम

216
अकोले
अमित भांगरे

225
अहिल्यानगर शहर
अभिषेक कळमकर

230
बीड
संदीप क्षीरसागर

243
परंडा
राहुल मोटे

254
माळशिरस
उत्तम जानकर

255
फलटण
दीपक चव्हाण

271
चंदगड
नंदिनीताई कुपेकर

279
इचलकरंजी
मदन कारंडे

लाडक्या बहि‍णींना निवडणुकीपुरतच गोंरजण्याचं काम सुरू – जयंत पाटीलदरम्यान, उमेदवार यादी जाहीर करताना पत्रकारपरिषदेत सरकारवर हल्लाबोल करत जयंत पाटील म्हणाले, लाडक्या बहि‍णींना निवडणुकीपुरतेच गोंरजण्याचे काम सुरू आहे. जयश्री थोरात यांच्याबद्दल जे विधान करण्यात आले ते अत्यंत दुर्दैवी होते. लाडक्या बहिणींना कसे वागवले जाते हे राज्याने पाहिले.
कापूस आणि सोयाबिणचे मोठे नुकसाने झाले आहे. शेतकऱ्यांच्या तोंडाशी आलेला घास हिरावला आहे. शेतकरी आत्महत्या वाढल्या आहेत. मात्र महायुतीच्या सरकारने शेतकऱ्यांना कोणतीही मदत केली नाही, आज दिवसाला दोन शेतकरी आत्महत्या करत आहेत, असे जयंत पाटील यांनी म्हटले.

राष्ट्रवादी शरद पवार गटाकडून आतापर्यंत 67 उमेदवार जाहीर –राष्ट्रवादी शरद पवार गटाकडून पहिल्या यादीत एकूण 45 उमेदवारांच्या नावाची घोषणा करण्यात आली होती, तर दुसऱ्या यादीमध्ये आता 22 उमेदवार जाहीर करण्यात आले आहेत. राष्ट्रवादी शरद पवार गटाकडून आतापर्यंत एकूण 67 उमेदवार जाहीर करण्यात आले आहेत.