बारामतीमधून लढणार नसल्याची चर्चा अन् थेट अजित पवारांची उमेदवारी जाहीर; अजितदादा सह ३८ उमेदवारांची यादी जाहीर, वाचा कोण कोठून लढणार ?  

विधानसभा निवडणुकांचे बिगुल वाजताच आता विविध पक्षांकडून उमेदवारांच्या यादी जाहीर केल्या जात आहेत. भाजप आणि शिंदे गटाने निवडणुकांसाठी आपल्या उमेदवारांची पहिली यादी जाहीर केल्यानंतर आता राष्ट्रवादीच्या अजित पवार गटाने देखील उमेदवारांची यादी जाहीर केली आहे. या यादीमध्ये 38 उमेदवारांचा समावेश आहे.
विशेष म्हणजे उपमुख्यमंत्री अजित पवार यांना बारामती विधानसभा मतदारसंघामधून उमेदवारी जाहीर करण्यात आली आहे. अजित पवार हे बारामतीमधून निवडणूक लढवणार आहेत. यासाठी 28 ऑक्टोबरला ते आपला अर्ज दाखल करणार आहेत. बारामती हे अजित पवारांचे गड मानले जाते, त्यामुळे त्यांच्या या उमेदवारीकडे राज्याचे लक्ष लागले आहे.
बारामतीत काका विरुद्ध पुतण्या लढत होणार?  
गेल्या काही दिवसांपासून अजित पवार बारामतीमधून लढणार नसल्याची चर्चा होती. अजित पवारांनी आपल्याला बारामतीमधून निवडणूक लढवण्यास रस नसल्याचं विधान केलं होतं. मात्र पहिल्याच यादीत अजित पवारांना बारामतीतून उमेदवारी जाहीर झाली आहे. तर, दुसरीकडे राष्ट्रवादी शरद पवार गटाकडून युगेंद्र पवार हे बारामतीत निवडणूक लढण्याच्या तयारीत असल्याचे म्हंटले जात आहे. त्यामुळे बारामतीमध्ये काका विरुद्ध पुतण्या अशी लढत होण्याची शक्यता आहे.
अजित पवार गटाच्या उमेदवारांची यादी
अजित पवार – बारामती
छगन भुजबळ – येवला
हसन मुश्रीफ-कागल
धनंजय मुंडे – परळी
नरहरी झिरवाळ – दिंडोरी
अनिल पाटील – अमळनेर
राजू कारेमोरे – तुमसर
धर्मरावबाबा आत्राम – अहेरी
इंद्रनील नाईक – पुसद
चंद्रकांत नवघरे – वसमत
नितीन पवार – कळवण
माणिकराव कोकाटे – सिन्नर
दिलीप बनकर – निफाड
सरोज अहिरे – देवळाली
दौलत दरोडा – शहापूर
अदिती तटकरे – श्रीवर्धन
संजय बनसोडे – उदगीर
अतुल बेनके – जुन्नर
दिलीप वळसे पाटील – आंबेगाव
दिलीप मोहिते – खेड – आळंदी
दत्तात्रय भरणे – इंदापूर
यशवंत माने – मोहोळ
सुनिल शेळके – मावळ
मकरंद पाटील – वाई
शेखर निकम – चिपळूण
अण्णा बनसोडे – पिंपरी
सुनिल टिंगरे – वडगाव शेरी
राजेश पाटील – चंदगड
चेतन तुपे – हडपसर
किरण लहामटे – अकोले
संजय शिंदे – करमाळा
देवेंद्र भुयार – मोर्शी
आशुतोष काळे – कोपरगाव
संग्राम जगताप – अहमदनगर शहर
प्रकाश सोळंके – माजलगाव
बाबासाहेब पाटील – अहमदपूर
सना मलिक – अणुशक्तीनगर
नवाब मलिक – शिवाजीनगर मानखुर्द
अमरावती शहर – सुलभा खोडके
इगतपुरी – हिरामण खोसकर