बीड : बीड जिल्ह्यातील एका सरकारी वकिलाने कोर्टात केलेल्या आत्महत्येविषयी एक नवी अपडेट समोर आली आहे. या प्रकरणी वडवणी न्यायालयाच्या न्यायाधीशावरच गुन्हा दाखल करण्यात आला आहे. आरोपींना आरोपीच्या पिंजऱ्यात उभे राहण्याचे फर्मान सोडणाऱ्या न्यायाधीशावरच या प्रकरणी आरोपीच्या पिंजऱ्यात उभे राहण्याची वेळ आल्यामुळे राज्याच्या न्याय वर्तुळात एकच खळबळ माजली आहे.
यासंबंधीच्या माहितीनुसार, वडवणी न्यायालयातील सरकारी वकील विनायक चंदेल यांनी दोन दिवसांपूर्वी न्यायालयातच गळफास घेऊन आत्महत्या केली होती. पोलिसांना घटनास्थळी एक सुसाईड नोट सापडली होती. या सुसाईड नोटच्या आधारावर व कुटुंबीयांनी दिलेल्या फिर्यादीवरून वडवमी न्यायालयाचे न्यायाधीश रफीक शेख व इतर एका आरोपीवर वडवणी पोलिस ठाण्यात गुन्हा दाखल करण्यात आला आहे. विनायक चंदेल यांचा मुलगा विश्वजीत चंदेल यांच्या फिर्यादीवरून ही कारवाई करण्यात आली आहे. न्यायाधीश रफीक शेख व एका कर्मचाऱ्याकडून विनायक यांना वारंवार त्रास दिला जात होता. या त्रासाला कंटाळून त्यांनी सत्काराच्या शालीने कोर्टात गळफास लावून आत्महत्या केली, असे यासंबंधीच्या तक्रारीत नमूद करण्यात आले आहे. पीडित कुटुंबीयांनी या प्रकरणी न्यायाचीही मागणी केली आहे.
उल्लेखनीय बाब म्हणजे लाच घेण्याच्या प्रकरणात न्यायाधीशांवर गुन्हा दाखल होण्याच्या घटना यापूर्वी अनेकदा घडल्यात. पण आत्महत्येस प्रवृत्त केल्याप्रकरणी एखाद्या जजवर गुन्हा दाखल होण्याची ही कदाचित पहिलीच वेळ आहे. काही महिन्यांपूर्वी साताऱ्यातील एका न्यायाधीशावर लाच घेतल्याप्रकरणी गुन्हा दाखल झाला होता. त्यानंतर आता वडवणी येथील न्यायाधीशावर मृत्यूस कारणीभूत असल्याचा गुन्हा दाखल करण्यात आला आहे. यामुळे न्यायालयीन वर्तुळात एकच खळबळ माजली आहे. 'एबीपी माझा'च्या वृत्तानुसार, या घटनेनंतर संबंधित न्यायाधीशाने आपल्या पदाचा राजीनामा दिल्याचीही माहिती आहे. पोलिस आता त्यांचा शोध घेत आहेत.
जिल्ह्यातील एका सरकारी वकिलाने कोर्टात केलेल्या आत्महत्येविषयी एक नवी अपडेट समोर आली आहे. या प्रकरणी वडवणी न्यायालयाच्या न्यायाधीशावरच गुन्हा दाखल करण्यात आला आहे. आरोपींना आरोपीच्या पिंजऱ्यात उभे राहण्याचे फर्मान सोडणाऱ्या न्यायाधीशावरच या प्रकरणी आरोपीच्या पिंजऱ्यात उभे राहण्याची वेळ आल्यामुळे राज्याच्या न्याय वर्तुळात एकच खळबळ माजली आहे.
यासंबंधीच्या माहितीनुसार, वडवणी न्यायालयातील सरकारी वकील विनायक चंदेल यांनी दोन दिवसांपूर्वी न्यायालयातच गळफास घेऊन आत्महत्या केली होती. पोलिसांना घटनास्थळी एक सुसाईड नोट सापडली होती. या सुसाईड नोटच्या आधारावर व कुटुंबीयांनी दिलेल्या फिर्यादीवरून वडवमी न्यायालयाचे न्यायाधीश रफीक शेख व इतर एका आरोपीवर वडवणी पोलिस ठाण्यात गुन्हा दाखल करण्यात आला आहे. विनायक चंदेल यांचा मुलगा विश्वजीत चंदेल यांच्या फिर्यादीवरून ही कारवाई करण्यात आली आहे. न्यायाधीश रफीक शेख व एका कर्मचाऱ्याकडून विनायक यांना वारंवार त्रास दिला जात होता. या त्रासाला कंटाळून त्यांनी सत्काराच्या शालीने कोर्टात गळफास लावून आत्महत्या केली, असे यासंबंधीच्या तक्रारीत नमूद करण्यात आले आहे. पीडित कुटुंबीयांनी या प्रकरणी न्यायाचीही मागणी केली आहे.
उल्लेखनीय बाब म्हणजे लाच घेण्याच्या प्रकरणात न्यायाधीशांवर गुन्हा दाखल होण्याच्या घटना यापूर्वी अनेकदा घडल्यात. पण आत्महत्येस प्रवृत्त केल्याप्रकरणी एखाद्या जजवर गुन्हा दाखल होण्याची ही कदाचित पहिलीच वेळ आहे. काही महिन्यांपूर्वी साताऱ्यातील एका न्यायाधीशावर लाच घेतल्याप्रकरणी गुन्हा दाखल झाला होता. त्यानंतर आता वडवणी येथील न्यायाधीशावर मृत्यूस कारणीभूत असल्याचा गुन्हा दाखल करण्यात आला आहे. यामुळे न्यायालयीन वर्तुळात एकच खळबळ माजली आहे. 'एबीपी माझा'च्या वृत्तानुसार, या घटनेनंतर संबंधित न्यायाधीशाने आपल्या पदाचा राजीनामा दिल्याचीही माहिती आहे. पोलिस आता त्यांचा शोध घेत आहेत.
About The Author
Advertisement
Latest News
Comment List