प्रेमप्रकरणातून तरुणाचा खून: प्रेयसीच्या मानलेल्या भावाला संपवले, अल्पवयीन आरोपींसह तिघांना अटक

 प्रेमप्रकरणातून तरुणाचा खून: प्रेयसीच्या मानलेल्या भावाला संपवले, अल्पवयीन आरोपींसह तिघांना अटक

अल्पवयीन मुलाने साथीदारांच्या मदतीने निर्घृण खून केल्याची घटना उघडकीस आली. याप्रकरणी ग्रामीण पोलीस दलाच्या राजगड पोलिसांनकडून तीन जणांना अटक करण्यात आली आहे.तर तीन अल्पवयीनांना ताब्यात घेण्यात आले आहे. जुन्या कात्रज बोगद्याजवळील डोंगरावर कात्रजमधील तरुणाचा खून करण्यात आला होता. या प्रकरणाचा राजगड पोलिसांनी तपास करुन गुन्ह्याचा तपास लावला आहे.

सौरभ स्वामी आठवले (वय २५, रा. पंचरत्न सोसायटी, मांगडेवाडी, कात्रज) असे खुन झालेल्या तरुणाचे नाव आहे. या प्रकरणी श्रीमंत अनिल गुज्जे (वय २१, रा. खंडोबा मंदिराजवळ, वडगाव मावळ), संगम नामदेव क्षीरसागर (वय १९, रा. वडगाव मावळ), नितीन त्र्यंबक शिंदे (वय १८, रा. गोकुळनगर, कात्रज, मूळ रा. खुठे गाव, ता. औसा, जि. लातूर) यांना अटक करण्यात आली.

पोलिसांनी दिलेल्या माहितीनुसार, जुन्या कात्रज बोगद्याजवळ डोंगरावर एका तरुणाचा मृतदेह पडल्याची माहिती तेथे फिरायला गेलेल्या नागरिकांनी पोलिसांना दिली. त्यानंतर राजगड पोलिसांचे पथक तेथे पोहोचले. पोलिसांनी चैाकशी करुन मृतदेहाची ओळख पटवली. तेव्हा मृतदेह सौरभ आठवले याचा असल्याची माहिती मिळाली. सौरभ १८ ऑगस्ट रोजी घरातून बेपत्ता झाल्याची तक्रार नातेवाईकांनी राजगड पोलिसांकडे दिली होती. पोलिसांनी सौरभचे मित्र, नातेवाईकांकडे चौकशी केली. तेव्हा खुनामागचे निश्चित कारण समजू शकले नव्हते. तांत्रिक तपासात सौरभचा खून अल्पवयीनांनी केल्याची माहिती पोलीस कर्मचारी नलावडे यांना मिळाली. आरोपी कात्रज घाट परिसरातील गोगलवाडी येणार असल्याची माहिती मिळाली. त्यानंतर पोलिसांच्या पथकाने सापळा लावून तिघांना ताब्यात घेतले.

मांगडेवाडी परिसरात अल्पवयीन त्याच्या आत्याकडे राहत होता. त्याचे एका मुलीशी प्रेमसंबंध होते. सौरभ याच परिसरात राहत होता. तो मुलीला बहीण मानायचा. तो तिला दररोज शाळेत सोडायचा. त्याने मुलीच्या प्रेमप्रकरणाची माहिती आई-वडिलांना दिली.

त्यानंतर अल्पवयीन मुलगा आत्याचे घर सोडून वडगाव मावळ येथे राहायला गेला. सौरभमुळे प्रेमसंबंधात अडथळे आल्याने अल्पवयीन चिडला होता. त्याने साथीदारांच्या मदतीने सौरभच्या खुनाचा कट रचला. त्यानंतर सौरभला त्यांनी कात्रज बोगद्याजवळ भेटण्यास बोलवले. सौरभला डोंगरावर नेऊन आरोपींनी त्याच्यावर कोयत्याने वार केले. पोलीस तपासात ही माहिती मिळाल्यानंतर आरोपींना अटक करण्यात आली. त्यांच्याकडून तीन मोबाइल संच आणि दोन दुचाकी जप्त करण्यात आल्या. अटक करण्यात आलेल्या तीन आरोपींना पोलीस काेठडीत ठेवण्याचे आदेश देण्यात आले आहे.

ग्रामीण पोलीस अधीक्षक संदीपसिंग गिल, अतिरिक्त अधीक्षक गणेश बिराजदार, उपविभागीय पोलीस अधिकारी राजेंद्रसिंह गौर यांच्या मार्गदर्शनाखाली राजगड पोलीस ठाण्याचे पोलीस निरीक्षक राजेश गवळी, सहायक पोलीस निरीक्षक तुकाराम राठोड, उपनिरीक्षक अजित पाटील, वृषाली देसाई यांनी ही कामगिरी केली.

IMG-20240817-WA0005

IMG-20240924-WA0354

IMG-20240814-WA0257

Tags:

About The Author

Maharashtra Janshakti News Picture

Lorem Ipsum is simply dummy text of the printing and typesetting industry. Lorem Ipsum has been the industry's standard dummy text ever since the 1500s, when an unknown printer took a galley of type and scrambled it to make a type specimen book. It has survived not only five centuries, but also the leap into electronic typesetting, remaining essentially unchanged. It was popularised in the 1960s with the release of Letraset sheets containing Lorem Ipsum passages, and more recently with desktop publishing software like Aldus PageMaker including versions of Lorem Ipsum.

Related Posts

Post Comment

Comment List

Advertisement

Latest News

"मुंबईकरांनो गावकऱ्यांची काळजी घ्या; आता तुमच्यावर जबाबदारी" - मराठा आरक्षणाची सभा सरपंच मॅडमनी गाजवली "मुंबईकरांनो गावकऱ्यांची काळजी घ्या; आता तुमच्यावर जबाबदारी" - मराठा आरक्षणाची सभा सरपंच मॅडमनी गाजवली
मराठा समाजाला ओबीसी प्रवर्गात आरक्षण देण्याच्या मागणीसाठी मराठा आंदोलक मनोज जरांगे यांच्या नेतृत्वाखालील आंदोलनाने मुंबईला धडक दिली आहे. आझाद मैदानावर...
प्रेमप्रकरणातून तरुणाचा खून: प्रेयसीच्या मानलेल्या भावाला संपवले, अल्पवयीन आरोपींसह तिघांना अटक
कोर्टात आत्महत्या:सुसाईड नोटवरून डायरेक्ट न्यायाधीशावर गुन्हा दाखल
अजित पवार म्हणाले, "माझी बायको सकाळपासून संध्याकाळपर्यंत कुठे जाते ? हे मी तिला विचारतो, काय ग कुठे गेली होती ?" आणि तुम्हाला सांगतो
सप्टेंबरनंतर महाराष्ट्राच्या राजकारणात मोठ्या घडामोडी:शिंदेंचा भाव वाढणार, राज ठाकरे भाजपसोबत जातील
डॉ. बाबासाहेब आंबेडकर मराठवाडा विद्यापीठात 'विभाजन एक विभिषिका स्मृतिदिन' व्याख्यानाचे आयोजन.
दुःखद बातमी.....रिपब्लिकन पार्टी ऑफ इंडिया (आठवले) चे शहरजिल्हा अध्यक्ष नागराज गायकवाड यांना मातृशोक
Join Us on Whatsapp