यूपीएससी परीक्षेत प्रयागराज ची साक्षी दुबे प्रथम ; तर पुण्याचा अर्जित देशात तिसरा राज्यात पहिला

उत्तर प्रदेशतील प्रयागराजच्या शक्ती दुबेने यंदाच्या संघ लोक सेवा आयोग (UPSC) सिव्हिल सेवा परीक्षेत (CSE) देशभरात प्रथम क्रमांक पटकावला आहे. मंगळवारी जाहीर झालेल्या UPSC 2024 च्या निकालात शक्ती दुबेने ऑल इंडिया रँक (AIR) 1 मिळवला. यासोबतच हर्षिता गोयल दुसऱ्या, अर्चित पराग डोंगरे तिसऱ्या, मार्गी चिराग शाह चौथ्या आणि आकाश गर्ग पाचव्या स्थानावर राहिले.
शिक्षण आणि तयारीचा प्रवास –शक्ती दुबेने प्रयागराज येथील अलाहाबाद विद्यापीठातून पदवी प्राप्त केली. त्यानंतर तिने वाराणसीच्या काशी हिंदू विश्वविद्यालयातून (BHU) बायोकेमिस्ट्रीमध्ये पदव्युत्तर शिक्षण पूर्ण केले. 2018 पासून तिने UPSC ची तयारी सुरू केली आणि अथक परिश्रमाने अव्वल स्थान मिळवले.

संघ लोक सेवा आयोगाच्या (UPSC) सिव्हिल सेवा परीक्षा 2024 च्या निकालात पुण्याच्या अर्चित पराग डोंगरे याने ऑल इंडिया रँक (AIR) 3 मिळवत महाराष्ट्राचे नाव उंचावले आहे. मंगळवारी जाहीर झालेल्या निकालात अर्चितने आपल्या उत्कृष्ट कामगिरीने पुणेकरांचा अभिमान वाढवला.
UPSC च्या प्रसिद्धीपत्रकानुसार, अर्चितने वेल्लोरच्या VIT मधून इलेक्ट्रिकल आणि इलेक्ट्रॉनिक्स इंजिनीअरिंगमध्ये बी.टेक पूर्ण केले आणि तत्त्वज्ञान हा वैकल्पिक विषय घेऊन ही परीक्षा उत्तीर्ण केली. अर्चितने आपले शालेय शिक्षण मुंबईत पूर्ण केले, तर पुण्यातून ज्युनियर कॉलेजचे शिक्षण घेतले. एका आयटी कंपनीत वर्षभर काम केल्यानंतर त्याने नोकरी सोडून सिव्हिल सेवा परीक्षेची तयारी सुरू केली.

UPSC राज्यनिहाय गुणवत्ता यादी जाहीर करत नसले तरी, अर्चित हा महाराष्ट्रातील सर्वोच्च क्रमांक मिळवणारा उमेदवार ठरला आहे. 2024 च्या सिव्हिल सेवा परीक्षेत एकूण 1,009 उमेदवार उत्तीर्ण झाले, ज्यामध्ये शक्ती दुबेने प्रथम, हर्षिता गोयलने दुसरे आणि अर्चित डोंगरेने तिसरे स्थान पटकावले.
पुणे हे दिल्लीखालोखाल सिव्हिल सेवा परीक्षेच्या तयारीसाठी प्रसिद्ध केंद्र आहे. शहराच्या मध्यवर्ती भागात अनेक कोचिंग क्लासेस आणि ग्रंथालये आहेत. दरवर्षी पुण्यातील विद्यार्थी UPSC च्या यादीत स्थान मिळवतात, आणि अर्चितने यंदा आपले नाव या यादीत समाविष्ट करत पुण्याचा गौरव वाढवला आहे.

यूपीच्या इतर यशस्वी उमेदवारांचा बोलबाला –
UPSC 2024 च्या निकालात उत्तर प्रदेशच्या इतर उमेदवारांनीही आपली छाप पाडली. सहारनपुरच्या कोमल पुनियाने सहावा क्रमांक, तर मिर्जापुरच्या सौम्या मिश्राने 18 वा क्रमांक मिळवला. याशिवाय, मिर्जापुरमधील एसडीएम हेमंत मिश्रा यांनी 13 वा क्रमांक पटकावला.

IMG-20240814-WA0262

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

Tags:

About The Author

Maharashtra Janshakti News

Lorem Ipsum is simply dummy text of the printing and typesetting industry. Lorem Ipsum has been the industry's standard dummy text ever since the 1500s, when an unknown printer took a galley of type and scrambled it to make a type specimen book. It has survived not only five centuries, but also the leap into electronic typesetting, remaining essentially unchanged. It was popularised in the 1960s with the release of Letraset sheets containing Lorem Ipsum passages, and more recently with desktop publishing software like Aldus PageMaker including versions of Lorem Ipsum.