नवी दिल्ली :  भारतातील सर्वात मोठी वैद्यकीय प्रवेश परीक्षा ‘नीट यूजी २०२६’ ‘गेस पेपर’ फुटल्याच्या आरोपांनंतर रद्द करण्यात आली आहे. या घडामोडीने एकच खळबळ उडाली आहे. ३ मे रोजी झालेल्या परीक्षेच्या विश्वासार्हतेबद्दल केंद्रीय यंत्रणांकडून चिंता व्यक्त झाल्यानंतर हा निर्णय घेण्यात आला आहे. यामुळे लाखो विद्यार्थी प्रभावित झाले असून, सरकारने आता हस्तक्षेप करत सीबीआय चौकशीचे आदेश दिले असून व्यवस्थेवरील विश्वास पुन्हा प्रस्थापित करण्यासाठी फेरपरीक्षेची घोषणा केली.

राष्ट्रीय परीक्षा संस्थेने आरोपांच्या सखोल चौकशीसाठी हे प्रकरण केंद्रीय अन्वेषण विभागाकडे सोपवण्याचा निर्णय घेतला आहे. एनटीए विभागाला पूर्ण सहकार्य करेल आणि चौकशीसाठी आवश्यक असलेले सर्व साहित्य, नोंदी आणि सहाय्य प्रदान करेल. कोणतीही नवीन नोंदणी आवश्यक असणार नाही आणि कोणतेही अतिरिक्त परीक्षा शुल्क आकारले जाणार नाही. याव्यतिरिक्त विद्यार्थ्यांनी यापूर्वी भरलेले शुल्क त्यांना परत केले जाणार आहे आणि एनटीएच्या अंतर्गत संसाधनांचा वापर करून परीक्षेचे पुनर्नियोजन केले जाईल. पुनर्नियोजित परीक्षेच्या तारखा आणि पुन्हा जारी केलेल्या प्रवेशपत्राच्या वेळापत्रकासह पुढील माहिती संस्थेच्या अधिकृत माध्यमांद्वारे दिली जाणार आहे.

नीट परीक्षेचा पेपर फुटल्यामुळे शासनाने हा निर्णय घेतला असून काँग्रेस नेते तथा लोकसभा विरोधी पक्षनेते राहुल गांधी यांनीही नीट परीक्षेतील पेपरफुटीचा मुद्दा उपस्थित केला होता.देशातील सुमारे २२ लाख विद्यार्थ्यांनी यंदा ३ मे २०२६ रोजी नीटची परीक्षा दिली होती, त्यामध्ये महाराष्ट्रातील जवळपास अडीच लाख विद्यार्थ्यांनी ही परीक्षा दिली होती. मात्र, देशभरात ४२ तास अगोदरच या पेपरची प्रश्नपत्रिका बाहेर आल्याने पेपर फुटला होता.

परीक्षेची नवी तारीख लवकरच जाहीरदेशभरात गेल्याच आठवड्यात म्हणजेच ३ मे २०२६ रोजी नीटची परीक्षा घेण्यात आली होती. आता, नव्या परीक्षेची तारीख लवकरच जाहीर होईल, त्यासाठी परीक्षार्थींचे परीक्षा केंद्र ३ मे रोजीचेच राहणार असून विद्यार्थ्यांना नव्याने रजिस्ट्रेशन करण्याची गरज नाही. विद्यार्थ्यांकडून नव्या परीक्षेसाठी शुल्क घेतले जाणार नाही, मात्र नव्या परीक्षेसाठी नवे ओळखपत्र दिले जाणार आहे. विद्यार्थी,पालकांनी फक्त एनटीएच्या सूचनांवर लक्ष ठेवावे, असे आवाहन केंद्राकडून करण्यात आले आहे.

रोहित पवार काय म्हणाले?२८१ प्रश्न असलेल्या guess paper मधील १३१ प्रश्न जसेच्या तसे  एनटीएच्या प्रश्नपत्रिकेत येत असतील तर २०२४ प्रमाणे यंदा देखील परीक्षेत पैशांचा मोठा खेळ झाला हे स्पष्ट आहे. गेल्या आठवड्यात महाराष्ट्रात देखील असाच प्रकार ‘एसआरपीएफ’ परीक्षेच्या संदर्भात देखील झाला होता. ठराविक दलालांच्या पैशाच्या खेळात विद्यार्थ्यांच्या स्वप्नांची राखरांगोळी करून त्यांच्या आयुष्याचा खेळ करणं योग्य नाही. तपास यंत्रणांनी या प्रकरणाची गंभीर दखल घेत कठोर कारवाई करावी, ही विनंती, असे राष्ट्रवादी काँग्रेस शरद पवार गटाचे नेते रोहित पवार म्हणाले.

अशोक खरात प्रकरणात महिला आयोगाच्या माजी अध्यक्षा रुपाली चाकणकर यांची एसआयटीने तब्बल सहा तास चौकशी केली. या चौकशीत चाकणकर यांना खरात संबंधी उलट सुलट प्रश्न विचारण्यात आल्याचे सूत्रांनी सांगितले.तेजस्वी सातपुते-रुपाली चाकणकरलक्ष्मण घाटोळ, प्रतिनिधी, नाशिक : संपूर्ण देशभर चर्चिल्या गेलेल्या अशोक खरात प्रकरणात राज्य महिला आयोगाच्या अध्यक्षा रुपाली चाकणकर यांची नाशिकमध्ये विशेष पोलीस तपास पथकाद्वारे तब्बल साडेपाच ते सहा तास कसून चौकशी करण्यात आली. एसआयटी प्रमुख तेजस्वी सातपुते यांनी स्वत: चौकशी केली. यावेळी खरातशी असलेले संबंध आणि आर्थिक व्यवहारांबाबत रुपाली चाकणकरांना अनेक टोकदार प्रश्न विचारण्यात आले.अशोक खरात याच्या नाशिकच्या मिरगावातील काळ्या कृत्यांनी संपूर्ण महाराष्ट्र हादरून गेला. श्रीमंत भक्तांना भुलवून त्यांच्याकडून लाखो रूपये उकळून, शेकडो महिलांचे लैंगिक शोषण करण्याचा कारनामे त्याने केले. त्याच्याच कार्यालयात काम करणाऱ्या एका कर्मचाऱ्याने हा संपूर्ण प्रकार उघडकीस आणला. याच प्रकरणात खरात सोबत असलेल्या जवळीकतेमुळे चाकणकर यांना राजीनामा द्यावा लागला. गेल्या दीड-दोन महिन्यांपासून त्यांच्या एसआयटी चौकशीची मागणी होत होती. परंतु पुरावे मिळाल्यानंतरच चौकशी होईल, असे सांगितले जात होते. अखेर रविवारी चाकणकर यांना चौकशीसाठी एसआयटीकडून बोलविण्यात आले होते. एसआयटीने रुपाली चाकणकर यांना कोणकोणते प्रश्न विचारले?अशोक खरात यांच्याशी तुमची ओळख कशी झाली? या प्रश्नाने रुपाली चाकणकर यांच्या पोलीस चौकशीची सुरुवात झाल्याचे सूत्रांनी सांगितले. अशोक खरातसोबत तुमचे कौटुंबिक संबंध नेमके कधीपासून होते? शिवनिका संस्थानातील तुमची भूमिका काय होती? तुम्ही 'शिवनिका' संस्थानच्या सदस्य असताना, अशोक खरात याच्या काळ्या कृत्यांची तुम्हाला कल्पना होती का? असे प्रश्न सुरुवातीच्या तासा-दोनतासांत चाकणकर यांना विचारण्यात आल्याचे सूत्रांनी सांगितले. त्यानंतर पूजा विधी आणि आर्थिक धागेदोऱ्यांसंदर्भात चाकणकर यांची कसून चौकशी करण्यात आली. अशोक खरातसोबत तुम्ही नेमक्या कोणत्या पूजा विधी केल्या होत्या? या पूजा विधींच्या माध्यमातून काही आर्थिक व्यवहार किंवा काही आर्थिक संबंध जोडले गेले होते का? अशोक खरात याच्यासोबतचे तुमचे फोटो आणि व्हिडिओ नेमके कोणत्या काळातील आणि कोणत्या कार्यक्रमातील आहेत? खरातने बांधलेल्या मंदिरात येणारी इतर राजकीय मंडळी कोणाच्या सांगण्यावरून येत होती? शिवनिका संस्थानच्या बैठकांमध्ये नेमके कोणते कामकाज चालत असे? असे चाकणकर यांना विचारण्यात आलेadvertisementदुसरीकडे चाकणकर यांच्या नावाने समता पतसंस्थेत झालेल्या व्यवहारांवर देखील त्यांना विचारण्यात आले. खरातशी संबंधित आर्थिक व्यवहार कोणकोणत्या बँक खात्यांमधून झाले, याचा शोध पोलिसांकडून घेतला जात आहे.चौकशीनंतर चाकणकरांची पहिली प्रतिक्रियाप्रदीर्घ चौकशी संपवून बाहेर पडल्यानंतर रुपाली चाकणकर यांनी माध्यमांशी संवाद साधला. यावेळी त्यांनी तपास यंत्रणेला पूर्ण सहकार्य केल्याचे सांगितले. पोलिसांना तपासासाठी ज्या प्रश्नांची उत्तरे आवश्यक होती, ती सर्व उत्तरे मी दिली आहेत. तपासात मी पूर्णपणे सहकार्य केले असून माझी सर्व उत्तरे समर्पक आहेत. चौकशीचा सविस्तर अहवाल लवकरच समोर येईल. मी आता पुण्याला रवाना होत आहे, असे चाकणकर यांनी सांगितले.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर :-  विवेकानंद शिक्षण संस्था संचलित मराठा हायस्कूल चौराहा येथील दहावी परीक्षेचा निकाल यंदाही अत्यंत घवघवीत लागला असून शाळेने आपल्या यशस्वी परंपरेला साजेसा गुणवत्तापूर्ण निकाल प्राप्त केला आहे. शाळेचा एकूण निकाल ८४.४९ % लागला असून विद्यार्थ्यांनी उज्ज्वल यश संपादन केले आहे.

  कु. अनुष्का विजय अहुजा हिने ८९ % गुण मिळवत प्रथम क्रमांक पटकावला. कु. अंजली अरुण रुपेकर व कु. सचिन संजय शिंदे यांनी प्रत्येकी ८३.६० % गुण मिळवत द्वितीय क्रमांक मिळविला, तर कु. रुमेसारहीम शेख हिने ८१.६० % गुणांसह तृतीय क्रमांक प्राप्त केला.

 परीक्षेत १३ विद्यार्थ्यांनी विशेष प्राविण्य मिळविले असून ३६ विद्यार्थी प्रथम श्रेणीत, ७० विद्यार्थी द्वितीय श्रेणीत तर ३९ विद्यार्थी तृतीय श्रेणीत उत्तीर्ण झाले. एकूण १५८ विद्यार्थ्यांनी यश संपादन करून शाळेच्या गुणवत्तेचा ठसा उमटविला.

या उल्लेखनीय यशाबद्दल शाळेचे मुख्याध्यापक श्री सुहास मडके सर यांनी गुणवंत विद्यार्थ्यांचे अभिनंदन करून त्यांचा सत्कार केला. यावेळी सर्व शिक्षकांचेही विशेष कौतुक करण्यात आले.

 याप्रसंगी शाळेचे ज्येष्ठ शिक्षक श्री सुनील भडके सर, श्रीमती संगीता भोसले मॅडम, श्री सुधीर पाटील सर, श्री अच्युत औटे सर, श्री अरुण माने सर तसेच श्री अमित चौधरी सर उपस्थित होते.

विद्यार्थ्यांचे परिश्रम, शिक्षकांचे मार्गदर्शन आणि पालकांचे सहकार्य यामुळेच शाळेने ही उज्ज्वल यशाची परंपरा कायम राखल्याची अशी भावना शाळेचे मुख्याध्यापक सुहास मडके सर यांनी व्यक्त केली.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर:-  शिवछत्रपती महाविद्यालयात बारावी उत्तीर्ण गुणवंत विद्यार्थ्यांचा सत्कार आयोजित करण्यात आला होता. महाविद्यालयातून कला, वाणिज्य आणि विज्ञान शाखेतील प्रथम द्वितीय व तृतीय क्रमांकाने उत्तीर्ण विद्यार्थ्यांना व त्यांच्या पालकांना महाविद्यालयात बोलावून त्यांचा यथोचित सत्कार आयोजित करण्यात आला होता. शिवछत्रपती महाविद्यालय हे शहरातील अग्रगण्य महाविद्यालयापैकी एक महाविद्यालय मानले जाते. या महाविद्यालयाला उत्कृष्ट निकालाच्या यशाची परंपरा लाभलेली आहे. याही वर्षी बारावी कला शाखेतून युवराज पेठवडजकर प्रथम, यशराज तुपे द्वितीय, प्रणाली बिडकर व रमेश घुगे तृतीय क्रमांकाने पास झाले आहेत. वाणिज्य शाखेतून अभिषेक जाधव प्रथम, आदिती कुलकर्णी द्वितीय, गुंजन सावजी तृतीय क्रमांकाने पास झाले व विज्ञान शाखेतून यश श्रीश्रीमल प्रथम, उन्नती पवार द्वितीय, आयुषका सरकटे आणि वरद वारदे तृतीय क्रमांकाने पास झाले आहेत. महाविद्यालयाच्या प्राचार्या डॉ. सी. एस. पाटील यांनी विद्यार्थ्यांचा सत्कार करून त्यांना पुढील वाटचालीसाठी मार्गदर्शन केले. विद्यार्थ्यांनी सतत कठोर परिश्रम करण्यासाठी तयार असले पाहिजे तरच यशाची उच्च शिखरे त्यांना गाठता येतील. शिवछत्रपती महाविद्यालयाचा विद्यार्थी भविष्यात कुठेही मागे राहणार नाही असा विश्वास प्राचार्यांनी व्यक्त केला. याप्रसंगी महाविद्यालयाचे उपप्राचार्य भरत वहाटुळे ,डॉ. संगीता राजमाने पर्यवेक्षक डॉ अश्रूबा गवळी ,राहुल पाटील तसेच महाविद्यालयातील प्राध्यापक व शिक्षकेतर कर्मचारी उपस्थित होते.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

दरवर्षी प्रमाणे यंदाही कोकण अव्वल आहे. त्याची टक्केवारी ९७.६२ टक्के तर सर्वात कमी छत्रपती संभाजीनगरचा निकाल लागला आहे. ८८.४१ टक्के निकाल लागला आहे.दहावीचा निकाल जाहीर करण्या आनंद होत आहे. महाराष्ट्र राज्य माध्यमिक व उच्च माध्यमिक शिक्षण मंडळाचे पत्रकार परिषद सुरू आहे. बोर्डाचे अध्यक्ष त्रिभुवन कुलकर्णी महत्त्वाची माहिती दिली आहे.advertisementपरीक्षेचे निकाल लवकर जाहीर व्हावेत यासाठी दहावीची परीक्षा 10 दिवस लवकर आयोजित केली होती. राज्य मंडळ स्तरावर समुपदेशकांची नियुक्ती देखील करण्यात आली होती. ९ विभागीय मंडळात हेल्पलाइन सुविधा उपलब्ध करण्यात आली होती. या वर्षी 92.9 टक्के निकाल लागला आहे.जेवढ्या मुली बसल्या होत्या त्यापैकी 94.96 टक्के मुली या उत्तीर्ण झाल्या आहेत. मुलांच्याबाबत ती 89.56 टक्के आहे. गेल्यावर्षी प्रमाणे यंदाही मुली अव्वल ठरल्या आहेत. यावेळी मुलींनी बाजी मारली आहे. दोघांमध्ये 5 टक्क्यांचा फरक हा पास होण्यामधला आहे. एकूण 64 विषयांची परीक्षा घेतली होती. त्यापैकी 20 विषयांचा निकाल हा 100 टक्के लागला आहे.advertisementकोणत्या बोर्डाचा किती टक्के निकालपुणे - ९४.२४ टक्केनागपूर- ८९.०७ टक्केसंभाजीनगर- ८८.४१मुंबई - ९४.९७कोल्हापूर - ९५.४७अमरावती - ९०.५०नाशिक ९०.५३लातूर - ८८.४२कोकण - ९७.६२कुठे पाहायचा दहावीचा निकाल?https://sscresult.mahahsscboard.in/https://results.targetpublications.org/https://results.digilocker.gov.inhttps://mahahsscboard.inदहावीचा निकाल कसा पाहाल?वरीलपैकी कोणत्याही एका वेबसाइटवर क्लिक करा. mahresult.nic.in जर या वेबसाईटवर गेलात तर तिथे SSC Examination March 2026 Result या लिंकवर क्लिक करा. त्यामध्ये आवश्यक माहिती भरा. तुमचा दहावीचा सीट नंबर Seat Number अपलोड करा. आईचे नाव इंग्रजीत अपलोड करा. निकाल पाहण्यासाठी View Result बटणावर क्लिक करा.advertisementदहावीचा निकाल मोबाईल एसएमएसवर कसा पाहाल?दहावीचा निकाल तुम्हाला एसएमएसवर पाहता येऊ शकतो. त्यासाठी तुम्हाला मोबाईलवर मेसेज बॉक्समध्ये जाऊन MHSSC Seat Number टाइप करून 57766 या नंबरवर पाठवून द्या.दहावीच्या ऑनलाईन निकालानंतर, ज्या विद्यार्थ्यांना आपल्या गुणांची पडताळणी करायची आहे किंवा उत्तरपत्रिकेची छायाप्रत हवी आहे, त्यांच्यासाठी महाराष्ट्र राज्य माध्यमिक व उच्च माध्यमिक शिक्षण मंडळाने ऑनलाईन सोय उपलब्ध करून दिली आहे.विद्यार्थी मंडळाच्या https://mahahsscboard.in या अधिकृत संकेतस्थळावर जाऊन स्वतः किंवा आपल्या शाळेमार्फत अर्ज करू शकतात.

छत्रपती संभाजीनगर (औरंगाबाद) :-   मौलाना आझाद कॉलेज, रोझा बाग आणि बोर्ड ऑफ अप्रेंटिसशिप ट्रेनिंग यांच्यामध्ये बीए सायकॉलॉजी आणि बीएससी इंडस्ट्रियल केमिस्ट्रीच्या विद्यार्थ्यांसाठी अप्रेंटिसशिप ट्रेनिंग संदर्भात सामंजस्य करार (MOU) करण्यात आला. यावेळी कॉलेजचे प्राचार्य डॉ. मझहर फारुकी आणि बोर्ड ऑफ अप्रेंटिसशिपचे सहाय्यक संचालक निखिल गांगडे उपस्थित होते.

कार्यक्रमात उद्योग क्षेत्राकडून डॉ. फुरकान दिवान, सिनियर सायंटिस्ट वखाड लिमिटेड, सतीश वानखेडे, प्रो. क्रोम्स अॅनालिटिकल इन्स्टिट्यूट तसेच सायकॉलॉजी विभागाकडून डॉ. फैसल खलजी, सना खलजी, शुभम डोंगरे (हेडगेवार हॉस्पिटल), शेख एजाज सिद्दीकी, डॉ. झैनब खान आणि हुजैफा खान उपस्थित होते. याशिवाय AEDP कोर्सेस करणारे विद्यार्थी-विद्यार्थिनी आणि महाविद्यालयाचा अध्यापकवर्ग मोठ्या संख्येने उपस्थित होता.

कार्यक्रमाची सुरुवात मौलाना वकार यांच्या कुरआन पठणाने झाली. त्यानंतर मान्यवरांचे पुस्तक भेट देऊन स्वागत करण्यात आले.

प्रास्ताविक भाषणात प्राचार्य डॉ. मझहर फारुकी यांनी कार्यक्रमाचे उद्देश स्पष्ट केले. त्यांनी अप्रेंटिसशिप बोर्डाच्या सहभागामुळे विद्यार्थ्यांना होणाऱ्या फायद्यांवर प्रकाश टाकला तसेच नवीन शैक्षणिक धोरण (NEP) आणि UGC च्या मार्गदर्शक सूचनांनुसार या कोर्सेसचे महत्त्व अधोरेखित केले.

डॉ. अझहर पटेल यांनी मान्यवरांचा परिचय करून दिला. यावेळी सहाय्यक संचालक निखिल गांगडे यांनी अप्रेंटिसशिपसाठी पात्रता, त्याचे फायदे आणि अंतिम वर्षात विद्यार्थ्यांना मिळणाऱ्या आर्थिक सहाय्याबाबत (स्टायपेंड) सविस्तर माहिती दिली. त्यांनी सांगितले की, सध्याच्या काळात उद्योग आणि शैक्षणिक संस्थांमधील दरी अशा प्रकारच्या कोर्सेसद्वारे भरून काढता येऊ शकते. तसेच भारत सरकारने उच्च शिक्षण व्यवस्थेमध्ये उद्योगांच्या गरजा लक्षात घेऊन प्रत्येक विद्यापीठाला AEDP कोर्सेस सुरू करण्यासाठी प्रोत्साहन दिले असल्याचेही त्यांनी सांगितले.

कार्यक्रमादरम्यान प्रश्नोत्तरांचे विशेष सत्र आयोजित करण्यात आले होते, ज्यामध्ये विद्यार्थ्यांनी विविध प्रश्न विचारले. कार्यशाळेत सुमारे वीस विविध उद्योगांचे प्रतिनिधी सहभागी झाले होते, तर AEDP कोर्सेसमध्ये प्रवेश घेतलेल्या सुमारे 20 विद्यार्थी-विद्यार्थिनी देखील उपस्थित होत्या.

शेवटी IQAC समन्वयक प्राध्यापक जे. डी. शेख यांनी आभार प्रदर्शन केले, तर कार्यक्रमाचे सूत्रसंचालन डॉ. समरीन फारुकी यांनी केले.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर :-  दि. ०६ मे २०२६ रोजी मोरेश्वर शिक्षण संस्था संचलित शांतीई प्राथमिक विद्यालय बजाज नगर छत्रपती संभाजी नगर या शाळेतील सहशिक्षक श्री रावसाहेब बोरसे श्री अजित जाधव श्री सागर सूर्यवंशी श्री रामेश्वर गोराडे, श्री रवींद्र मगर श्री सचिन मुसळे आणि संभाजी जाधव गेल्या दोन दिवसापासून जिल्हा परिषद प्राथमिक छत्रपती संभाजीनगर येथे आमरण उपोषणास बसलेले होते त्यांच्या सर्व न्याय हक्क मागण्या शिक्षणाधिकारी जयश्री चव्हाण व कार्यालयीन अधीक्षक प्रदीप राठोड यांनी सर्व मागण्या मान्य असल्याचे पत्र देऊन उपोषण करता शिक्षकांना लिंबू पाणी देऊन हे उपोषण अखेर सोडविले. हे मराठवाडा शिक्षक संघाच्या भाई चंद्रकांत चव्हाण यांच्या नेतृत्वाखाली आमरण उपोषण राबविण्यात आले होते.शाळेतील मुख्याध्यापकांनी नियमबाह्यरीत्या तुकडी वर्गाचा वाढीव टप्पा पगार मूळ वर्गाला दिलेला आहे. तो वाढीव टप्पा शासन निर्णयानुसार तुकडी वर्गांच्या शिक्षकांच्या पगारी खात्यावर जमा करण्यात यावा.
सेवा पुस्तकाची दुय्यम प्रत अद्यावत करून तात्काळ शिक्षकांना देण्यात यावी. शाळेतील ज्या शिक्षकांनी बारा वर्षाचा कालावधी पूर्ण केलेला आहे व वरिष्ठ वेतन श्रेणीचे प्रशिक्षण पूर्ण केलेले आहे अशा शिक्षकांना वरिष्ठ वेतनश्रेणी लागू करण्यात यावी. शाळेत रुजू करून घेत असताना शाळेतील मुख्याध्यापक, संस्था सचिव व अध्यक्षा यांनी सर्व कर्मचाऱ्यांकडून दहा कोऱ्या कागदांवर स्वाक्षरी करून घेतलेल्या आहेत. तसेच शाळेतील सर्व शिक्षकांना धमकावून स्वाक्षरी सह राजीनामा व काही आक्षेपार्ह मुद्दे लिहून घेऊन त्यावर दिनांक नसलेले १५ कागदपत्रे तात्काळ देण्यात यावेत‌. शाळेतील मूळ वर्गावरील शिक्षक व तुकडी वर्गावरील शिक्षक यांना समान कामे वाटप करण्यात यावी. 
या प्रमुख मागणीसाठी उपोषण होते. डॉ उमाकांत राठोड, नवनाथ मंत्री, अशोक ढमढेरे, विनोद केनेकर, कृष्णा गोंडे, बाळू पवार, शैलेश पाटील, विलास चव्हाण, डॉ. पद्माकर पगार, मनोज चव्हाण, सोनाली गव्हाणे, स्वाती बोंडे, रेखा साकळे, अरुणा चौधरी, सविता हिंगे, शितल कवडे संघटनेच्या सर्व पदाधिकाऱ्यांनी या आमरण उपोषणाला पाठिंबा दिला होता.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर :-  डॉ. सौ. इंदिराबाई भास्करराव पाठक महाविद्यालयात इयत्ता बारावी (HSC) परीक्षेत उज्ज्वल यश संपादन करणाऱ्या गुणवंत विद्यार्थ्यांचा सत्कार समारंभ उत्साहात पार पडला. महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या फेब्रुवारी–मार्च 2026 च्या परीक्षेत महाविद्यालयाने उल्लेखनीय यशाची परंपरा कायम राखत विज्ञान शाखेचा 93%, कला शाखेचा 67%, वाणिज्य शाखेचा 64% तसेच एच.एस.व्ही.सी. शाखेचा 87% असा समाधानकारक निकाल नोंदवला.

या निमित्ताने आयोजित सत्कार समारंभात विद्यार्थ्यांचा गौरव करण्यात आला. कार्यक्रमाचे सूत्रसंचालन डॉ. शिला जिरे व प्रा. त्रिपती वरपडे यांनी केले. प्रा. रवींद्र परभणे व प्रा. डॉ. अन्विता अग्रवाल यांनी विद्यार्थ्यांना मार्गदर्शन केले. अध्यक्षीय समारोप प्राचार्य डॉ. सुनिता बाजपाई यांनी केला, तर आभार प्रा. माधुरी भावसार यांनी मानले.

महाविद्यालयातील गुणवंत विद्यार्थी पुढीलप्रमाणे आहेत—कला शाखेतून कनका देशपांडे (87.66%), ईशानी कुलकर्णी (85.17%) व सोनिया हाजोंग (70.66%) यांनी अनुक्रमे प्रथम, द्वितीय व तृतीय क्रमांक मिळवले. वाणिज्य शाखेतून यश तोतला (95%), देवश्री लोटांगणे (94.33%), मयुरी सूर्यवंशी (93.16%) व मयुरी फटांगडे (90%) यांनी अनुक्रमे प्रथम, द्वितीय, तृतीय व चतुर्थ क्रमांक पटकावला. विज्ञान शाखेतून शार्दुल जोशी (77.34%), शरयू मुधळ वाडकर (73.50%) व सायली यादव (67.83%) यांनी अनुक्रमे प्रथम, द्वितीय व तृतीय क्रमांक मिळवला. तसेच एच.एस.व्ही.सी. शाखेतून गोकर्ण नालटकर (71.67%), रूपाली कांबळे (70%) व दिशा आव्हाड (68.33%) यांनी विशेष प्राविण्य मिळवले.

संस्कृत विषयात कनका देशपांडे, देवश्री लोटांगणे, सांची पाटणी व मयुरी फटांगडे तसेच आय.टी. याविषयात वाणिज्य - श्रेयश शैलेश टोटला, विज्ञान - सुदर्शन सुनिल वैराळे, ओसीएम याविषयात मयुरी विष्णू सूर्यवंशी, निकीता मकरंद वानखेडे, एसपी याविषयात देवश्री राजेंद्र लोटांगणे श्रेयश शैलेश टोटला या विद्यार्थ्यांनी 100 पैकी 100 गुण मिळवत उल्लेखनीय यश संपादन केले.

या प्रसंगी प्राचार्य व शिक्षकवृंदांनी सर्व यशस्वी विद्यार्थ्यांचे अभिनंदन करत त्यांच्या उज्ज्वल भविष्यासाठी शुभेच्छा दिल्या. विद्यार्थ्यांनी व पालकांनी मनोगत व्यक्त करताना महाविद्यालयातील गुणवत्तापूर्ण शिक्षण व सुरक्षित वातावरणाबद्दल समाधान व्यक्त केले.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर :-  मुर्डेश्वर शिक्षण संस्था संचालित शांताई प्राथमिक विद्यालय या शाळेतील शिक्षकांची संस्थाचालक आणि मुख्याध्यापकांकडून शिक्षकांची आर्थिक पिळवणूक आणि शासनाची आर्थिक लूट होत असल्याने याच शाळेतील सहशिक्षक श्री रावसाहेब तुकाराम बोरसे, श्री रवींद्र दामोदर मगर, श्री रामेश्वर देविदास गोराडे, श्री अजित शेषराव जाधव, श्री सागर संजीव सूर्यवंशी, श्री संभाजी हनुमंता जाधव, श्री सचिन नारायण मुसळे हे मराठवाडा शिक्षक संघाच्या भाई चंद्रकांत चव्हाण यांच्या नेतृत्वाखाली आज दिनांक ०५ मे २०२६ वार मंगळवार रोजी जिल्हा परिषद शिक्षणाधिकारी प्राथमिक कार्यालयासमोर आमरण उपोषण सुरू केले आहे. शाळेचे मुख्याध्यापक संदिप लक्ष्मण काजळे हे आहेत. संस्था सचिव लक्ष्मण ओंकार काजळे व अध्यक्षा श्रीमती संगीता लक्ष्मण काजळे हे शासनाची आर्थिक लूट व विद्यार्थ्यांच्या शैक्षणिक भवितव्याविषयी खेळत आहेत यात प्रशासन देखील यांना मदतच करीत आहेत, असा आरोप मराठवाडा शिक्षक संघाने केलेला आहे 

शाळेतील मुख्याध्यापकांनी नियमबाह्यरीत्या तुकडी वर्गाचा वाढीव टप्पा पगार मूळ वर्गाला दिलेला आहे. तो वाढीव टप्पा शासन निर्णयानुसार तुकडी वर्गांच्या शिक्षकांच्या पगारी खात्यावर जमा करण्यात यावा.

सेवा पुस्तकाची दुय्यम प्रत अद्यावत करून तात्काळ शिक्षकांना देण्यात यावी. शाळेतील ज्या शिक्षकांनी बारा वर्षाचा कालावधी पूर्ण केलेला आहे व वरिष्ठ वेतन श्रेणीचे प्रशिक्षण पूर्ण केलेले आहे अशा शिक्षकांना वरिष्ठ वेतनश्रेणी लागू करण्यात यावी. शाळेत रुजू करून घेत असताना शाळेतील मुख्याध्यापक, संस्था सचिव व अध्यक्षा यांनी सर्व कर्मचाऱ्यांकडून दहा कोऱ्या कागदांवर स्वाक्षरी करून घेतलेल्या आहेत. तसेच शाळेतील सर्व शिक्षकांना धमकावून स्वाक्षरी सह राजीनामा व काही आक्षेपार्ह मुद्दे लिहून घेऊन त्यावर दिनांक नसलेले १५ कागदपत्रे तात्काळ देण्यात यावेत‌. शाळेतील मूळ वर्गावरील शिक्षक व तुकडी वर्गावरील शिक्षक यांना समान कामे वाटप करण्यात यावी. 

या प्रमुख मागणीसाठी मराठवाडा शिक्षक संघाचे महानगर सचिव नवनाथ मंत्री अशोक ढमढेरे, विनोद केनेकर, कृष्णा गोंडे, बाळू पवार, विलास चव्हाण, डॉ. पद्माकर पगार, सोनाली गव्हाणे, स्वाती बोंडे, रेखा साकळे, अरुणा चौधरी, सविता हिंगे, शितल कवडे संघटनेच्या सर्व पदाधिकाऱ्यांनी या आमरण उपोषणाला पाठिंबा दिला आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर:-

दि.7मे 2026 गुरुवार धर्मवीर संभाजी विद्यालयात मागील चार दिवसापासून सुरू असलेल्या महर्षी पतंजली योग प्राणायाम शिबिराची सांगता राज्यस्थान राज्याचे महामहीम राज्यपाल श्री हरिभाऊजी बागडे नाना यांच्या प्रमुख उपस्थितीत झाली.

2010 पासून सुरू असलेल्या सुट्ट्यातील योग प्राणायाम शिबिराचे हे सतरावे वर्ष आहे या शिबिरातील शेवटचे पुष्प संस्थेचे अध्यक्ष श्री हरिभाऊ बागडे नाना, यांच्या प्रमुख उपस्थितीत प्रा. श्रीमती सुशीला बन्सवाल व कल्याणी कुलकर्णी- विटेकर या तज्ञ शिक्षकांकडून योग मार्गदर्शन झाले यावेळी बोलताना सुखी निरामय व यशस्वी जीवन जगण्यासाठी योगमय जीवन व नित्य योग साधना काळाची गरज झाली आहे असे प्रतिपादन हरिभाऊ बागडे नाना यांनी केले, या शिबिरासाठी योग प्राणायाम समिती, भारतीय योग संस्थान, योग विद्या धाम नाशिक, यशवंतराव चव्हाण महाराष्ट्र मुक्त विद्यापीठ, डॉ.बाबासाहेब आंबेडकर मराठवाडा मुक्त विद्यापीठ, त्यांच्या संयुक्त विद्यमानाने सुरू असलेल्या या शिबिरासाठी सर्व शिक्षक शिक्षकेतर कर्मचारी योग प्रेमी सर्व साधकांनी मोठ्या संख्येने हजेरी लावली होती. यावेळी संस्थेचे उपाध्यक्ष देवजीभाई पटेल संस्थेचे सचिव निवृत्ती पाटील गावंडे ज्येष्ठ संचालक डॉ. सर्जेराव ठोंबरे सर संचालक विवेकजी हंबर्डे,तथा योग प्राणायाम शिबिर प्रमुख श्री रमेश डकले सर उपस्थित होते .असे प्रसिद्धीला दिलेल्या निवेदनात श्री बळीराम मुरमे यांनी कळवले आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

मुंबई:  तामिळनाडूच्या विधानसभा निवडणुकीत थलापति विजयने ऐतिहासिक विजयाची नोंद केली आहे. पहिल्याच प्रयत्नात पेरंबूर आणि तिरुचिरापल्ली पूर्व या दोन्ही मतदारसंघांत त्याने आपलं वर्चस्व सिद्ध केलं. पण या विजयाची खात्री एका अभिनेत्रीला खूप आधीपासून होती. नुकतंच या अभिनेत्रीने एक असा व्हिडिओ शेअर केला आहे, ज्याने सोशल मीडियावर धुमाकूळ घातलाय. विशेष म्हणजे, या साऊथच्या स्टार अभिनेत्रीने सलमान खान, शाहिद कपूर, रणवीर सिंग, ऋतिक रोशन यांसारख्या दिग्गजांसोबत काम केलं आहे.थलापति विजयच्या विजयाचं भाकित करणारी ही अभिनेत्री दुसरी तिसरी कोणी नसून पूजा हेगडे आहे. पूजा हेगडे थलापति विजयच्या 'जन नायक' या चित्रपटात प्रमुख भूमिकेत आहे. तामिळनाडू विधानसभा निवडणुकांचे निकाल जाहीर झाल्यानंतर आता पूजाने या फिल्मच्या सेटवरील एक बीटीएस व्हिडीओ शेअर केला आहे.पूजा हेगडेने आधीच केलेलं भाकितया व्हिडिओमध्ये पूजा एका बोर्डकडे बोट दाखवते, ज्यावर लिहिलं असतं, "निवडणूक कोण जिंकणार?" (Who wins the elections?). या प्रश्नाचं उत्तर देताना पूजा काहीच बोलत नाही, ती थेट शेजारी उभ्या असलेल्या विजयकडे बघून डोळा मिचकावते. पूजाचा हा रोखठोक अंदाज पाहून थलापति विजय चक्क लाजून लाल झाला. यावेळी या सुपरस्टारने लाजेपोटी दोन्ही हातांनी चेहरा झाकून घेतला आणि तो तिथून हसत निघून गेला. विजयचा हा निरागस आणि लाजाळू अवतार पाहून त्याचे चाहते आता वेडे झाले आहेत. मी आधीच म्हटलं होतं ना!" - पूजाची पोस्ट व्हायरलहा व्हिडिओ शेअर करताना पूजाने लिहिलंय, "बहुतेक मी हे भाकीत आधीच केलं होतं! स्वप्न सत्यात उतरताना पाहून खूप आनंद होतोय, अभिनंदन विजय सर!" इतकंच नाही तर काल निकाल जाहीर झाल्यानंतर तिने विजयसोबतचा एक फोटो शेअर करत लिहिलं, "अभिनंदन विजय सर, ही 'थलापति कचेरी' आता मोठी आणि मोठीच होत जाणार आहे. आता फक्त पुढे आणि वरच जायचंय. इट्स पार्टी टाईम 'जन नायक' चा वाद आता मिटणार विजय आणि पूजा हेगडे ही जोडी २०२२ च्या 'बीस्ट' नंतर पुन्हा एकदा 'जन नायक' मधून मोठ्या पडद्यावर परतत आहे. सेन्सॉर सर्टिफिकेट आणि इतर कारणांमुळे हा सिनेमा गेल्या अनेक दिवसांपासून रखडला होता. पण आता विजय तामिळनाडूचे भावी मुख्यमंत्री होणार असल्याने, या राजकीय बदलाचा फायदा चित्रपटाला मिळेल आणि हा बहुप्रतिक्षित सिनेमा लवकरच प्रदर्शित होईल, अशी शक्यता वर्तवली जात आहे. एच. विनोद यांच्या दिग्दर्शनाखाली बनत असलेल्या या चित्रपटात केवळ विजय आणि पूजाच नाहीत, तर ममिता बैजू, बॉबी देओल, गौतम वासुदेव मेनन, प्रियामणी आणि प्रकाश राज यांसारखी तगडी स्टारकास्ट आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

मुंबई : राज्यातील शिक्षक भरतीची वाट पाहणा-या लाखो उमेदवारांसाठी दिलासादायक बातमी समोर आली असून अनेक महिन्यांपासून रखडलेली भरती प्रक्रिया आता वेगाने पुढे सरकणार असून राज्यभरात मेगा शिक्षक भरतीचा मार्ग मोकळा झाला आहे. शिक्षण विभागाने सर्व शाळांना ३१ मे २०२६ पर्यंत रिक्त जागांवर शिक्षक भरती करण्याचे आदेश दिले आहेत.
या भरती प्रक्रियेत एक महत्त्वाचा बदल करण्यात आला आहे. केवळ सध्या रिक्त असलेल्या जागाच नव्हे, तर मे २०२६ पर्यंत सेवानिवृत्त होणा-या शिक्षकांमुळे निर्माण होणा-या संभाव्य रिक्त पदांचाही समावेश करण्यात येणार आहे. त्यामुळे उपलब्ध पदांची संख्या मोठ्या प्रमाणावर वाढण्याची शक्यता आहे. परिणामी अधिकाधिक पात्र उमेदवारांना नोकरीची संधी मिळणार असल्याने या निर्णयाचे स्वागत होत आहे.
भरती प्रक्रियेची वेळापत्रक देखील निश्चित करण्यात आले आहे. १ मे ते ३१ मे या कालावधीत सर्व शाळा व्यवस्थापनांनी त्यांच्या रिक्त पदांची माहिती ‘पवित्र’ पोर्टलवर नोंदवणे बंधनकारक करण्यात आले आहे. त्यानंतर जून महिन्यात उमेदवारांना त्यांच्या पात्रतेनुसार आणि गुणांच्या आधारे शाळांचे पसंतीक्रम निवडण्याची संधी मिळणार आहे. ही संपूर्ण प्रक्रिया ऑनलाईन पद्धतीने पार पडणार असल्याने पारदर्शकता वाढणार आहे.
‘टैट’परीक्षेला मोठा प्रतिसादगेल्या वर्षी झालेल्या ‘शिक्षक अभियोग्यता व बुद्धिमत्ता चाचणी’ (टीएआयटी) परीक्षेला मोठा प्रतिसाद मिळाला होता. सुमारे २ लाख २८ हजार उमेदवारांनी नोंदणी केली होती, त्यापैकी २ लाख ११ हजार ३०८ उमेदवारांनी प्रत्यक्ष परीक्षा दिली. या उमेदवारांपैकी १ लाख ७० हजार १०८ जणांनी स्व-प्रमाणपत्र प्रक्रिया पूर्ण केली आहे. या पात्र उमेदवारांना भरती प्रक्रियेत प्राधान्य दिले जाणार असल्याचे स्पष्ट करण्यात आले आहे.
‘पवित्र’ पोर्टलमधून प्रक्रिया पार पडणारया भरतीत वशिलेबाजीला आळा घालण्यावर विशेष भर देण्यात आला आहे. ‘पवित्र’ पोर्टलच्या माध्यमातून संपूर्ण प्रक्रिया पार पडणार असल्यामुळे मानवी हस्तक्षेप कमी होणार आहे. तसेच सर्व शाळांना त्यांच्या आरक्षणानुसार बिंदुनामावली (रोस्टर) तपासूनच जाहिरात देण्याचे आदेश देण्यात आले आहेत. यामुळे भरती प्रक्रिया अधिक पारदर्शक आणि न्याय्य होईल असा विश्वास व्यक्त केला जात आहे.
शिक्षणाचा दर्जा सुधारण्यास मदतस्थानिक स्वराज्य संस्थांमधील शिक्षक पदे पूर्णपणे गुणवत्तेनुसार, मुलाखतीशिवाय भरली जाणार आहेत. तर खासगी संस्थांना प्रत्येक एका जागेसाठी दहा उमेदवारांना मुलाखतीसाठी बोलावण्याची मुभा देण्यात आली आहे. उमेदवारांना त्यांच्या गुणवत्तेनुसार विविध शाळांची निवड करता येणार आहे. या सर्व प्रक्रियेच्या अंमलबजावणीमुळे राज्यातील शिक्षकांची कमतरता दूर होऊन शिक्षणाचा दर्जा सुधारण्यास मदत होईल असा विश्वास शिक्षण क्षेत्रातील तज्ज्ञांनी व्यक्त केला आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे 

नाशिक (प्रतिनिधी) :-  साई कला आविष्कार नाट्य संस्था, पुणे यांच्या पुढाकारातून आयोजित राज्यस्तरीय चित्र रंगभरण स्पर्धेचा बक्षीस वितरण सोहळा मोठ्या उत्साहात पार पडला. लोकमाता अहिल्यादेवी होळकर यांच्या जीवनावर आधारित या स्पर्धेत महाराष्ट्रभरातील हजारो विद्यार्थ्यांनी सक्रिय सहभाग घेतला.

मनपा शाळा क्र. ४९, पंचक येथील २५ विद्यार्थ्यांनी या स्पर्धेत भाग घेत उल्लेखनीय यश संपादन केले. जाहीर निकालानुसार, रमा धाटे हिने प्रथम क्रमांक मिळवला, सचिन साळुंखे याने द्वितीय तर ओम शेलारने तृतीय क्रमांक पटकावत शाळेचे नाव उज्ज्वल केले.

या यशामागे मुख्याध्यापक श्री. दत्तात्रय सूर्यवंशी सर यांचे प्रभावी नेतृत्व तसेच शिक्षिका वैशाली शेवाळे व सुजाता लोखंडे मॅडम यांचे सातत्यपूर्ण मार्गदर्शन लाभले. त्यांच्या प्रेरणेमुळे विद्यार्थ्यांनी उत्कृष्ट कलाकृती साकारत स्पर्धेत आपली वेगळी ओळख निर्माण केली.

     महाराष्ट्र दिनाच्या औचित्याने आयोजित विशेष कार्यक्रमात विजेत्या विद्यार्थ्यांचा आणि मार्गदर्शक शिक्षकांचा मान्यवरांच्या हस्ते सन्मानचिन्ह व प्रशस्तीपत्र देऊन गौरव करण्यात आला. या वेळी मा. नगरसेविका रंजनाताई बोराडे, मा. अँड. सुनीलभाऊ बोराडे, मा. साहेबराव मोरे तसेच मा. प्रकाश बोराडे यांनी विद्यार्थ्यांच्या यशाचे मनापासून कौतुक केले.

    कार्यक्रमास श्री. गोपाळ बैरागी सर, जनता विद्यालयाच्या प्राचार्या रायते मॅडम, शिक्षकवृंद व इतर मान्यवर उपस्थित होते. या प्रसंगी विद्यार्थ्यांच्या यशाचा आनंद साजरा करत भविष्यातही अशा स्पर्धांमध्ये सक्रिय सहभाग घेण्याचे आवाहन करण्यात आले.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

जालना:

स्थानिक बद्रीनारायण बारवाले महाविद्यालयाच्या विद्यार्थ्यांनी उच्च माध्यमिक प्रमाणपत्र (बारावी) परीक्षेत आपल्या दैदीप्यमान यशाची परंपरा यंदाही यशस्वीरित्या कायम राखली आहे. वाणिज्य, कला आणि विज्ञान या तिन्ही शाखांतील विद्यार्थ्यांनी परीक्षेत घवघवीत यश संपादन करून महाविद्यालयाच्या शिरपेचात मानाचा तुरा रोवला आहे. 

वाणिज्य शाखेचा 'शतकी' निकाल : यावर्षी महाविद्यालयाच्या वाणिज्य शाखेचा निकाल १०० टक्के लागला असून विद्यार्थ्यांनी यशाचा नवा उच्चांक प्रस्थापित केला आहे. विशेष उल्लेखनीय बाब म्हणजे, अनेक विद्यार्थ्यांनी 'पाली' आणि 'आयटी' (IT) या विषयांमध्ये १०० पैकी १०० गुण मिळवून विशेष प्राविण्य प्राप्त केले आहे.

वाणिज्य शाखेतील गुणवंत विद्यार्थी : दर्शिल इंचुरे (९३.८३), दिशा अग्रवाल (९३.६७) , कल्याणी मांटे (९३.३३), वृंदा चव्हाण (९१.१७), मुकुंद शिंदे (८७.६७), मोहन शिंदे (८७.००)

कला व विज्ञान शाखेतही यशाचा डंका : कला शाखेतील विद्यार्थ्यांनी आपल्या सातत्यपूर्ण कामगिरीच्या जोरावर उत्कृष्ट गुणांची कमाई केली आहे. तसेच विज्ञान शाखेतील विद्यार्थ्यांनीही चुरशीच्या परीक्षेत आपले कसब सिद्ध केले आहे.

कला शाखेतील अव्वल विद्यार्थी : श्रेया खंडारे (९२.००) नवनाथ वाखरे (९०.८३), संकेत दातीर: (८९.८३), पलक भानुशाली (८९.६७), धनश्री शिराळे (८८.६७)

विज्ञान शाखेतील गुणवंत विद्यार्थी : रेखा भालमोडे (८२.८३), सारा बिंत समेदा (८०.१७), खुशबू तिवारी (७६.३३), ओंकार एकहंडे व अपूर्वा बदर (७५.००)

विद्यार्थ्यांच्या या नेत्रदीपक यशाबद्दल महाविद्यालय व्यवस्थापन समितीने आनंद व्यक्त केला आहे. प्रभारी प्राचार्य डॉ. भूषण नाफडे आणि माजी प्राचार्य डॉ. कविता प्राशर यांच्यासह सर्व शिक्षक व शिक्षकेतर कर्मचाऱ्यांनी यशस्वी विद्यार्थ्यांचे अभिनंदन करून त्यांच्या उज्ज्वल भविष्यासाठी शुभेच्छा दिल्या आहेत. "विद्यार्थ्यांची जिद्द आणि शिक्षकांचे योग्य मार्गदर्शन यामुळेच महाविद्यालयाने आपले शैक्षणिक वर्चस्व टिकवून ठेवले आहे," असे प्रतिपादन यावेळी महाविद्यालय प्रशासनातर्फे करण्यात आले.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

(मुरूम, ता. उमरगा प्रतिनिधी) : 

नगर शिक्षण विकास मंडळ संचलित श्री माधवराव पाटील महाविद्यालयातील ज्येष्ठ प्राध्यापक डॉ. सुधीर पंचगल्ले यांचा सेवापूर्ती गौरव सोहळा शुक्रवार (ता. १) रोजी अत्यंत भावपूर्ण आणि उत्साही वातावरणात पार पडला. प्रदीर्घ शैक्षणिक योगदानाबद्दल संस्थेच्या वतीने मान्यवरांच्या हस्ते त्यांचा विशेष सन्मान करण्यात आला. कार्यक्रमाच्या अध्यक्षस्थानावरून बोलताना माजी राज्यमंत्री तथा भाजपा लातूर ग्रामीणचे जिल्हाध्यक्ष बसवराज पाटील म्हणाले की, प्राध्यापक हा केवळ तासिका घेणारा कर्मचारी नसून तो पिढ्या घडवणारा खरा शिल्पकार असतो. डॉ. पंचगल्ले यांनी आपल्या सेवाकाळात पुस्तकी ज्ञानासोबतच हजारो विद्यार्थ्यांना जगण्याची दिशा दिली. निवृत्ती ही केवळ सेवापुस्तकातील असते, कर्तव्यातील नसते. कर्तव्यातून निवृत्ती कधीच नसते. त्यांच्या ज्ञानाचा उपयोग समाजाला यापुढेही होत राहील याची खात्री आहे. या सोहळ्याला प्रमुख अतिथी म्हणून जिल्हा बँकेचे अध्यक्ष बापूराव पाटील, सहाय्यक शिक्षण संचालक संजय पंचगल्ले, सत्यसाई पब्लिक स्कूलचे (भालकी) अध्यक्ष चंद्रशेखर यम्मे, प्रादेशिक व्यवस्थापक शिवाजी शिंदे (पानिपत), धनराज मंगरुळे, डॉ. सतीश शेळके, सूर्यकांत जाधव, गणेश अंबर, उल्हास घुरघुरे यांची उपस्थिती होती.

 बसवराज पाटील व बापूराव पाटील यांच्या हस्ते डॉ. सुधीर पंचगल्ले व त्यांच्या सुविद्य पत्नी विजयाताई यांचा शाल, सन्मानचिन्ह, बुके आणि मानपत्र देऊन यथोचित गौरव करण्यात आला. आपल्या सत्काराला उत्तर देताना डॉ. पंचगल्ले भावूक झाले होते. या महाविद्यालयाने मला ओळख दिली आणि इथल्या विद्यार्थ्यांनी मला सदैव कार्य करण्याची ऊर्जा दिली, अशा शब्दांत त्यांनी आपली कृतज्ञता व्यक्त केली.

याप्रसंगी संजय पंचगल्ले, प्रा. विजया बेलकेरी, डॉ. राम बजगिरे यांनी आपली मनोगते व्यक्त केली. कार्यक्रमाच्या यशस्वीतेसाठी अशोक हाळे, संजय गोणगे, अशोक बेलकेरी, मनोज पंचगल्ले, अरुण राजेश्वरे, अनिकेत पंचगल्ले, शिवराज पंचगल्ले यांनी परिश्रम घेतले.

कार्यक्रमाचे प्रास्ताविक प्रभारी प्राचार्य डॉ. चंद्रकांत बिराजदार यांनी केले. सूत्रसंचालन प्रा. डॉ. सुभाष हुलपल्ले यांनी तर आभार डॉ. प्रतापसिंग राजपूत यांनी केले. या सोहळ्याला महाविद्यालयातील प्राध्यापक, कर्मचारी, माजी विद्यार्थी आणि नागरिक बहुसंख्येने उपस्थित होते.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

आपल्या आक्रमक आणि वादग्रस्त वक्तव्यांमुळे सातत्याने चर्चेत राहणारे कालीचरण महाराज यांनी आता डॉक्टरांवर गंभीर आरोप केले आहेत. "देशात 'डिलिव्हरी जिहाद' सुरू असून यामध्ये हिंदू डॉक्टरच आघाडीवर आहेत," असा खळबळजनक दावा त्यांनी केला आहे. हिंदू महिलांच्या प्रसूती दरम्यान सिझेरियन शस्त्रक्रियांचे वाढते प्रमाण हे डॉक्टरांनी पैशांसाठी रचलेले एक मोठे षडयंत्र असल्याचे त्यांनी म्हटले आहे.

पुण्यातील दौंड येथे आयोजित 'हिंदू विराट सभे'त बोलताना कालीचरण महाराज यांनी वैद्यकीय क्षेत्रातील प्रसूती प्रक्रियेवर प्रश्नचिन्ह उपस्थित केले. "हिंदू महिलांच्या पहिल्या प्रसूतीवेळी डॉक्टर मुद्दाम सिझेरियनचा मार्ग अवलंबतात. हिंदू बालकांच्याच गळ्यात नाळ कशी अडकते? हिंदूंचीच मुले आडवी कशी जन्माला येतात? केवळ हिंदू महिलांच्याच बाबतीत सिझेरियनचे प्रमाण जास्त का आणि मुस्लिम महिलांच्या बाबतीत ते कमी का?" असा सवाल कालीचरण महाराज यांनी उपस्थित केला.

डॉक्टरांवर पैशांसाठी षडयंत्राचा आरोप

कालीचरण महाराजांनी या प्रक्रियेला 'डिलिव्हरी जिहाद' असे नाव दिले असून यात हिंदू डॉक्टरांचा मोठा सहभाग असल्याचे म्हटले आहे. "जास्तीत जास्त पैसा कमवण्यासाठी डॉक्टरांकडून हे षडयंत्र रचले जात आहे. या माध्यमातून हिंदू समाजाला आर्थिक आणि शारीरिकदृष्ट्या कमकुवत करण्याचा प्रयत्न केला जात आहे," असा गंभीर आरोप त्यांनी आपल्या भाषणातून केला.

वैद्यकीय क्षेत्रात संताप उमटण्याची शक्यता

कालीचरण महाराजांनी कोणत्याही शास्त्रीय आधाराशिवाय थेट डॉक्टरांना आणि त्यांच्या कार्यपद्धतीला 'जिहाद'शी जोडल्यामुळे वैद्यकीय क्षेत्रातून तीव्र संताप व्यक्त केला जाण्याची शक्यता आहे. यापूर्वीही त्यांनी विविध विषयांवरून वाद ओढवून घेतला असून, आता थेट आरोग्य व्यवस्थेवरच आरोप केल्याने नवा कायदेशीर पेच निर्माण होऊ शकतो.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

महाराष्ट्र राज्य माध्यमिक व उच्च माध्यमिक शिक्षण मंडळाने बारावीचा निकाल जाहीर केला असून, यंदा राज्याचा एकूण निकाल 89.79 टक्के लागला आहे. विशेष म्हणजे, गेल्या पाच वर्षांतील हा निचांकी निकाल असून राज्याच्या निकालाचा टक्का पुन्हा एकदा घसरल्याचे पाहायला मिळत आहे. विभागात दरवर्षीप्रमाणे 94.14 टक्क्यांसह कोकण विभागाने आपले वर्चस्व कायम राखले आहे, तर कधीकाळी शैक्षणिक पॅटर्नसाठी ओळखल्या जाणाऱ्या लातूर विभागाचा निकाल 84.14 टक्के लागल्याने हा विभाग राज्यात सर्वात शेवटी ठरला आहे.

बारावीचा विभागनिहाय निकाल

1 कोकण 94.14 टक्के

2. पुणे 91.25 टक्के

3. अमरावती 90.92 टक्के

4 नाशिक 90.72 टक्के

5 मुंबई 90.08 टक्के

6 कोल्हापूर 89.97 टक्के

7 छत्रपती संभाजीनगर 88.68 टक्के

8 नागपूर 88.67 टक्के

9 लातूर 84.14 टक्के

इयत्ता बारावी निकालाची ठळक वैशिष्ट्ये

1. या परीक्षेस राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर क कोकण या नऊ विभागीय मंडळांमधून विज्ञान, कला, वाणिज्य व व्यवसाय अभ्यासक्रम व आय. टी. आय. या शाखांसाठी एकूण 14,44,713 नियमित विद्याथ्र्यांनी नोंदणी केली होती. त्यापैकी 14,33,058 विदयार्थी प्रविष्ट झाले असून त्यापैकी 12,86,843 विद्यार्थी उत्तीर्ण झाले आहेत व उत्तीर्णतची टक्केवारी 89.79 आहे.

2. खाजगी विदयार्थी म्हणून नोंदणी केलेल्या विद्यार्थ्यांची एकूण संख्या 37,559 एवढी असून त्यापैकी 36,941 विद्यार्थी प्रविष्ट झाले असून 29,634 विद्यार्थी उत्तीर्ण झाले आहेत. त्यांच्या उत्तीर्णतची टक्केवारी 80.21 आहे.

3. या परीक्षेस राज्यातील नऊ विभागीय मंडळांमधून सर्व शाखांमधून एकूण 50,876 पुनर्परिक्षार्थी विद्याथ्यांनी नोंदणी केली होती. त्यापैकी 50,346 विद्यार्थी परीक्षेस प्रविष्ट झाले. त्यापैकी 18,349 विद्यार्थी उत्तीर्ण झाले आहेत व त्यांची एकूण उत्तीर्णतेची टक्केवारी 36.44 आहे.

4. या परीक्षेस राज्यातील नऊ विभागीय मंडळांमधून सर्व शाखांमधून एकूण 8,446 दिव्यांग विद्याथ्यांनी नोंदणी केली होती. त्यापैकी 8,367 दिव्यांग वि‌द्यार्थी परीक्षेस प्रविष्ट झाले. त्यापैकी 7,579 दिव्यांग विद्यार्थी उत्तीर्ण झाले आहेत व त्यांची एकूण उत्तीर्णतेची टक्केवारी 90.58 आहे.

5. इ.12 वी परीक्षेस नोंदणी केलेल्या पात्र दिव्यांग विद्यार्थ्यांना प्रचलित पद्धतीने सवलतीचे गुण देण्याबाचत कार्यवाही करण्यात आलेली आहे.

6. सर्व विभागीय मंडळातून नियमित विद्यार्थ्यांचा कोकण विभागाचा निकाल (94.14 %) सर्वाधिक असून सर्वांत कमी निकाल लातूर विभागाचा (84.14%) आहे.

7. सर्व विभागीय मंडळातून नियमित मुलींची उत्तीर्णतेची टक्केवारी 93.15 असून मुलांची उत्तीर्णतेची टक्केवारी 86.80% आहे. म्हणजेच मुलींची उत्तीर्णतेची टक्केवारी मुलांपेक्षा 6.35% ने जास्त आहे.

8. एकूण 153 विषयांपैकी 26 विषयांचा निकाल 100% आहे.

कुठे पाहायचा निकाल?

महाराष्ट्र बोर्डाचा इयत्ता 12वीच्या विद्यार्थ्यांना आपला निकाल 'mahahsscboard.in' या अधिकृत वेबसाइटवर पाहता येईल. त्यासाठी वेबसाइटवरील "एचएससी परीक्षा निकाल 2026" या लिंकवर क्लिक करून आपला आसन क्रमांक आणि आईचे नाव अचूकपणे प्रविष्ट करावे लागेल. या सोप्या पायऱ्यांचे अनुसरण करून "निकाल पहा" या पर्यायावर क्लिक करताच विद्यार्थ्यांना त्यांचा स्कोअरकार्ड सहजपणे ऑनलाइन तपासता येईल.

कसा पाहायचा निकाल?

इयत्ता 12वीचा निकाल पाहण्यासाठी विद्यार्थ्यांनी mahahsscboard.in, mahresult.nic.in आणि hscresult.mkcl.org या अधिकृत संकेतस्थळांचा वापर करावा. निकाल जाहीर होताच लाखो विद्यार्थी एकाच वेळी लॉगिन करत असल्याने वेबसाईट मंदावण्याची शक्यता असते. अशा वेळी ब्राउझरचा कॅशे साफ करणे, एकाच वेळी विविध टॅबमध्ये वेगवेगळ्या वेबसाईट उघडून ठेवणे किंवा काही वेळाने पुन्हा प्रयत्न करणे सोयीचे ठरेल. निकाल जाहीर झाल्यानंतर विद्यार्थ्यांनी भविष्यातील संदर्भासाठी आपली गुणपत्रिका डाऊनलोड करून घ्यावी किंवा तिची प्रिंट काढून सुरक्षित ठेवावी.

  जालना :- राष्ट्रवादी काँग्रेस पक्षाला धक्का देणारी दुःखद बातमी समोर आली आहे. जालना जिल्ह्यातील परतूर विधानसभा मतदारसंघाचे माजी आमदार सुरेशकुमार जेथलिया यांचे शुक्रवारी पहाटे हृदयविकाराच्या तीव्र झटक्याने निधन झाले आहे. त्यांच्या अचानक जाण्याने जालना जिल्ह्यातील राजकीय आणि सामाजिक क्षेत्रात शोककळा पसरली आहे.

मिळालेल्या माहितीनुसार, आज शुक्रवार पहाटेच्या सुमारास त्यांना तीव्र हृदयविकाराचा झटका आला. प्रकृती बिघडल्याने त्यांना तातडीने जालन्यातील खासगी रुग्णालयात नेण्यात आले, मात्र रुग्णालयात पोहोचण्यापूर्वीच त्यांचे निधन झाले असून त्यांना डॉक्टरांनी मृत घोषित केले.

सुरेशकुमार जेथलिया यांनी परतूर विधानसभा मतदारसंघाचे दोन वेळा प्रतिनिधित्व केले होते. त्यांच्या कार्यकाळात त्यांनी विविध विकासकामे राबवली होती. मजबूत जनसंपर्क आणि कार्यकर्त्यांशी जवळीक यामुळे ते मतदारसंघात लोकप्रिय नेते म्हणून ओळखले जात होते.

त्यांनी आपल्या राजकीय प्रवासाची सुरुवात काँग्रेस पक्षातून केली होती. नंतर बदलत्या राजकीय परिस्थितीत त्यांनी अजित पवार यांच्या नेतृत्वाखालील राष्ट्रवादी काँग्रेस पक्षात प्रवेश केला. जालना जिल्ह्यात पक्ष संघटन मजबूत करण्यात त्यांचा महत्त्वाचा वाटा होता.

त्यांच्या निधनामुळे जिल्ह्याने एक अनुभवी नेतृत्व गमावल्याची भावना व्यक्त होत आहे. त्यांच्या पार्थिवावर आज अंत्यसंस्कार करण्यात येणार आहेत.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छ. संभाजीनगर :-
पीपल्स एज्युकेशन सोसायटीच्या अभियांत्रिकी महाविद्यालयातील अंदाजे ₹100 कोटींच्या अपहारासंदर्भात “सेव्ह पीईएस" मूव्हमेंट तर्फे शासनाकडे निवेदन सादर करण्यात आले होते.
त्यानुसार, तंत्रशिक्षण विभाग, छत्रपती संभाजीनगर यांनी सदर प्रकरणी सखोल चौकशी करण्यासाठी SGGS नांदेड चे संचालक डॉ.एम. बी. कोकरे यांच्या  अध्यक्षेतेखाली त्रीसदसीय समिती गठीत करण्यात आली असून, दि. २४ एप्रिल २०२६ पूर्वी अहवाल सादर करण्याचे निर्देश देण्यात आले आहेत.

संस्थेतील संचालक मंडळातील रंगनाथ व मोरे गटाच्या अंतर्गत वादाच्या  पार्श्व भूमीवर मा. उच्च न्यायालयाच्या दि. ०४.०४.२०१३ रोजीच्या आदेशानुसार महाविद्यालयातील शिक्षक व शिक्षकेतर कर्मचाऱ्यांच्या वेतन वितरणाची तसेच विविध कर अदा करण्याची जबाबदारी संचालकांनी,सह-संचालक, तंत्रशिक्षण विभागीय कार्यालय औरंगाबाद यांच्याकडे सोपविण्यात आली होती. ही व्यवस्था ऑक्टोबर २०१७ पर्यंत सुरळीतपणे सुरू होती. नोव्हेंबर २०१७ मध्ये तत्कालीन संचालक डॉ अभय वाघ यांनी कार्यभार घेतल्यानंतर हि व्यवस्था गुपचूप पने, शासनाचे अथवा न्यायालयाचे आदेश नसताना बासनात गुंडाळण्यात आली. तत्कालीन सहसंचालक डॉ. नागदिवे यांना हि बाब देवरे समितीच्या दि. १३ जानेवारी २०२३ च्या अहवालातून कळाली.त्यांनी त्याप्रकरणी कारवाई करण्याऐवजी त्यांनी  दुर्लक्ष केले. दरम्यान तत्कालीन चेअरमन श्री.रंगनाथ यांनी नियुक्त केलेल्या प्रभारी प्राचार्य डॉ. राहुल ब्राम्हणे यांच्या प्रलंबित वेतनाच्या प्रकरणातील प्रक्रिये दरम्यान तंत्रशिक्षण खात्याच्या डिसेम्बर २०२५ च्या पत्रातून हि धक्कादायक बाब पून्हा उघड झाली. शासनाचे किंवा कोर्टाचे आदेश नसताना संबंधित कॉलेजच्या प्राचार्य डॉ. अभिजित वाडेकर ने २०१७ पासून संचालकांना न्यायालयाने दिलेले अधिकार परस्पर वापरले. त्यामुळे ९ वर्षात अंदाजे १०० कोटी रुपयांचा परस्पर व्यवहार होऊन अपहार झाल्याची शक्यता "सेव्ह पीईएस" ने व्यक्त केली.

भारताच्या संविधानाचे निर्माते डॉ. बाबासाहेब आंबेडकर यांनी स्थापन केलेल्या संस्थेत बेकायदेशीर  व्यवहाराकडे जाणूनबुजून दुर्लक्ष करून अप्रत्यक्ष सहभागी असणाऱ्या  तत्कालीन संचालक डॉ.अभय वाघ, तत्कालीन सहसंचालक श्री.महेश शिवणकर व डॉ. उमेश नागदिवे तसेच विद्यमान अधिकाऱ्यांवर कारवाई करण्याची मागणी "सेव्ह पीईएस" च्या वतीने शासनाकडे करण्यात आली होती. सदर तक्रारीनंतर या गंभीर प्रकरणी चौकशी समिती गठीत करण्यात आली असून, या निर्णयाचे सर्वत्र स्वागत करण्यात येत आहे. चौकशी निष्पक्ष व पारदर्शक पद्धतीने करण्यात यावी, अशी मागणी “सेव्ह पीईएस” च्या वतीने करण्यात येत आहे.

तसेच, या प्रकरणात दोषी आढळणाऱ्या आजी व माजी अधिकाऱ्यांवर कठोर कारवाई करण्यात यावी, अशीही मागणी करण्यात आली आहे. दोषींवर कारवाई होईपर्यंत हा लढा सुरूच राहील असे "सेव्ह पीईएस" तर्फे कळविण्यात येत आहे.

या लढ्यात समाजातील सर्व घटकांनी सहकार्य करावे, असे आवाहन देखील “सेव्ह पीईएस” तर्फे करण्यात येत आहे.अशी माहिती  “सेव्ह पीईएस” मुव्हमेंट चे इंजिनिअर अविनाश कांबळे यांनी दिली.

महिला आरक्षण विधेयकाशी संबंधित घटनादुरुस्ती विधेयक लोकसभेत मंजूर करून घेण्यात सरकारला अपयश आले. '१३१ वे घटनादुरुस्ती विधेयक, २०२६' मध्ये एकूण जागांची संख्या वाढवून ८५० करण्याच्या तरतुदींचा समावेश होता.

२१ तास चाललेल्या प्रदीर्घ चर्चेनंतर या विधेयकावर मतदान झाले. विधेयकाच्या बाजूने २९८, तर विरोधात २३० मते पडली. लोकसभेत एकूण ५२८ संसद सदस्यांनी (खासदारांनी) आपला मतदानाचा हक्क बजावला.

विधेयक मंजूर होण्यासाठी दोन-तृतीयांश बहुमताची आवश्यकता होती. ५२८ च्या दोन-तृतीयांश म्हणजे ३५२ मते होय. परिणामी, ५४ मतांच्या फरकाने हे विधेयक मंजूर होऊ शकले नाही.

पहिले: सीमांकन (Delimitation) घटनादुरुस्ती विधेयक, २०२६

दुसरे: केंद्रशासित प्रदेश कायदे (दुरुस्ती) विधेयक, २०२६

या विधेयकांवर स्वतंत्र मतदान घेण्यास सरकारने नकार दिला. ही विधेयके मुख्य विधेयकाशीच संलग्न असल्याने, त्यांच्यावर स्वतंत्र मतदानाची आवश्यकता नसल्याचे कारण सरकारने दिले.

आपल्या ११ वर्षांच्या कार्यकाळात, मोदी सरकारला सभागृहात एखादे विधेयक मंजूर करून घेण्यात अपयश येण्याची ही पहिलीच वेळ आहे. मतदानापूर्वी अमित शाह यांनी एक तासाचे भाषण दिले. या विधेयकांना मंजुरी मिळाली नाही, तर त्यासाठी विरोधी पक्षच जबाबदार असेल, असा दावा त्यांनी केला. देशातील महिला हे पाहत आहेत की, त्यांच्या प्रगतीच्या मार्गात अडथळा निर्माण करण्याचे काम कोण करत आहे, अशी टिप्पणीही त्यांनी केली.

विधेयकाच्या पराभवानंतर विरोधी पक्षाची घोषणा: “आम्ही जिंकलो!”

राहुल गांधी म्हणाले: "संविधानावर होणारा हल्ला आम्ही परतवून लावला आहे. आम्ही हे स्पष्टपणे सांगितले होते की, हे विधेयक म्हणजे महिला आरक्षणाचे खरे विधेयक नसून, भारताची राजकीय रचना बदलण्याचा एक कुटिल डाव आहे."

प्रियांका गांधी म्हणाल्या: "हा आपल्या लोकशाहीचा आणि आपल्या देशाच्या एकतेचा एक मोठा विजय आहे. मी सभागृहात म्हटल्याप्रमाणे, हा संविधानावर केलेला हल्लाच होता; आणि आम्ही तो यशस्वीपणे रोखला आहे—जी एक अत्यंत सकारात्मक बाब आहे."

शशी थरूर यांनी असे निरीक्षण नोंदवले की, "आम्ही सातत्याने हीच भूमिका मांडली आहे की, आम्ही महिला आरक्षणाचे पूर्णपणे समर्थन करतो आणि आजही त्याच्या बाजूने मतदान करण्यास आम्ही तत्पर आहोत. तथापि, या आरक्षणाला सीमांकन प्रक्रियेशी अविभाज्यपणे जोडले जाऊ नये."

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर:- श्रीमती वैशाली श्याम शिरसाठ ( डॉ शाम शिरसाठ प्राध्यापक डॉ. बा. आ. मराठवाडा विद्यापीठ यांच्या पत्नी) वय ४७ यांचे आज दुपारी ४:३० वाजता अल्पशः आजाराने दुःखद निधन झाले. त्यांच्या पश्चात सासू,सासरे , मोठे दीर श्री सुहास शिरसाठ माजी नगराध्यक्ष, ॲड सुदेश शिरसाठ ,पती,एक मुलगी व मुलगा असा मोठा परिवार आहे. 

   त्यांचा अंत्यविधी उद्या सकाळी १० वाजता फुलंब्री येथे होणार आहे.  

छत्रपती संभाजीनगर :

पैठण गेट येथील रहिवासी दौलतबी मिन्ने (९०) यांचे शुक्रवारी दुपारी २.४० वाजता अल्पशा आजाराने निधन झाले. त्यांचा दफनविधी शनिवारी (दि.११) सकाळी ८.३० वाजता क्रांती चौक येथील कब्रस्तानमध्ये करण्यात येईल. त्यांच्या पश्चात तीन मुले, दोन मुली, सुना, नातवंडे असा परिवार आहे. प्रसिद्ध रेडिओलॉजिस्ट, गझलकार डॉ. शेख इक्बाल मिन्ने यांच्या त्या मातोश्री होत.

बुलढाणा जिल्ह्यातील तामगाव पोलिस ठाण्याच्या हद्दीत गुप्तधन प्रकरणाच्या तपासासाठी गेलेल्या बुलढाणा पोलिसांवर अकोला पोलिस दलातील दोन कर्मचाऱ्यांनी हल्ला केल्याची धक्कादायक घटना समोर आली आहे. दोन जिल्ह्यांच्या पोलिस कर्मचाऱ्यांमध्ये झालेल्या या थेट संघर्षामुळे परिसरात मोठी खळबळ उडाली असून, या हल्ल्यात दोन पोलिस कर्मचारी जखमी झाले आहेत. याप्रकरणी दोषी कर्मचाऱ्यांविरुद्ध गुन्हा दाखल करण्यात आला असून, पोलिस दलातील या अंतर्गत वादाची सध्या सर्वत्र चर्चा होत आहे.

तामगाव पोलिस ठाण्याचे कर्मचारी संतोष आखरे आणि प्रमोद मुळे हे गुप्तधन प्रकरणाच्या तपासासाठी रात्रीच्या वेळी कवठळ गाव परिसरात गेले असताना, त्यांना तिथे दोन संशयित व्यक्ती आढळल्या. पोलिसांनी या व्यक्तींना रात्रीच्या वेळी फिरण्याचे कारण विचारले असता त्यांच्यात जोरदार वाद झाला आणि या वादाचे रूपांतर थेट हिंसक हल्ल्यात झाले. संबंधित संशयितांनी केलेल्या या हल्ल्यात संतोष आखरे आणि प्रमोद मुळे हे दोन्ही पोलिस कर्मचारी जखमी झाले.

तामगाव पोलिसांवर हल्ला करणारे संशयित दुसरे कोणी नसून अकोला पोलिस दलात कार्यरत असलेले राजेश गव्हाळे आणि मनोज गव्हाळे असल्याचे निष्पन्न झाले आहे. या हल्ल्यात तामगाव पोलिस ठाण्याचे कर्मचारी संतोष आखरे आणि प्रमोद मुळे हे दोघे जखमी झाले असून, याप्रकरणी तामगाव पोलिसांनी संबंधित हल्लेखोर कर्मचाऱ्यांविरुद्ध रीतसर गुन्हा दाखल केला आहे. पोलिस दलातीलच कर्मचाऱ्यांनी सहकाऱ्यांवर हल्ला केल्याच्या या प्रकरणाचा पुढील तपास सध्या गांभीर्याने सुरू आहे.

हल्ल्यात जखमी झालेल्या पोलिस कर्मचाऱ्यांना तातडीने शेगाव येथील शासकीय रुग्णालयात उपचारासाठी दाखल करण्यात आले असून, या प्रकरणाचा तपास पोलिस निरीक्षक पंडितराव सोनवणे करत आहेत. मात्र, अकोला पोलिस दलातील हे कर्मचारी रात्रीच्या वेळी बुलढाणा जिल्ह्याच्या सीमेत नेमके कोणत्या कारणासाठी आले होते, हा प्रश्न अद्यापही अनुत्तरित असून त्यामुळे अनेक तर्कवितर्क लावले जात आहेत. या धक्कादायक घटनेमुळे संपूर्ण पोलिस दलात खळबळ उडाली असून, या प्रकरणाची निष्पक्ष आणि सखोल चौकशी व्हावी, अशी मागणी आता जोर धरत आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

करमाड:-  भरदिवसा वर्दळीच्या पेट्रोल पंपावर एका माथेफिरू प्रियकराने आपल्याच प्रेयसीचा गळा चिरून निर्घृण खून केल्याने संपूर्ण जिल्हा हादरून गेला आहे.News18अविनाश कानडजे, प्रतिनिधीछत्रपती संभाजीनगर: छत्रपती संभाजीनगर जिल्ह्यातून माणुसकीला काळिमा फासणारी आणि कायदा-सुव्यवस्थेच्या चिंधड्या उडवणारी एक अत्यंत भीषण घटना समोर आली आहे. भरदिवसा वर्दळीच्या पेट्रोल पंपावर एका माथेफिरू प्रियकराने आपल्याच प्रेयसीचा गळा चिरून निर्घृण खून केल्याने संपूर्ण जिल्हा हादरून गेला आहे. या घटनेने करमाड परिसरात दहशतीचे वातावरण निर्माण झाले आहे.समोर आलेल्या माहितीनुसार, आज दुपारी साडेबारा वाजेच्या सुमारास हा थरार पाहायला मिळाला गणपती मंदिराशेजारी असलेल्या इंडियन ऑईल पेट्रोल पंपावर कामावर असलेल्या पूजा सुदाम गावंडे या तरुणीची तिच्याच प्रियकराने गळ्यावर चाकूने वार करून हत्या केली. भरवस्तीत आणि लोकांच्या डोळ्यादेखत घडलेल्या या प्रकारामुळे परिसरात खळबळ उडाली असून महिलांच्या सुरक्षिततेचा प्रश्न पुन्हा एकदा ऐरणीवर आला आहे. दुपारी पेट्रोल पंपावर नेमकं काय घडलं? पूजा गावंडे ही तरुणी पेट्रोल पंपावर कर्मचारी म्हणून कार्यरत होती. नेहमीप्रमाणे ती आपल्या कामात व्यस्त असताना तिचा प्रियकर सत्यम रावसाहेब गावंडे तिथे आला. दोघांमध्ये सुरुवातीला काही वेळ शाब्दिक चकमक झाली. मात्र, रागाच्या भरात असलेल्या सत्यमने अचानक आपल्या खिशातून चाकू काढला आणि काही समजण्याच्या आत पूजाच्या गळ्यावर सपासप वार केले. हा हल्ला इतका भीषण होता की प्रचंड रक्तस्त्राव झाल्यामुळे पूजाचा जागीच मृत्यू झाला.नेमकं कारण काय? पेट्रोल पंपावर ग्राहकांची वर्दळ असताना ही घटना घडल्याने उपस्थितांची भंबेरी उडाली. पूजा रक्ताच्या थारोळ्यात कोसळल्यानंतर आरोपी सत्यमने घटनास्थळावरून पळ काढला. घटनेची माहिती मिळताच करमाड पोलीस ठाण्याचे पथक घटनास्थळी दाखल झाले. पोलिसांनी मृतदेह ताब्यात घेऊन उत्तरीय तपासणीसाठी पाठवला आहे. प्राथमिक तपासात हा खून प्रेमप्रकरणातील वादातून किंवा संशयातून झाल्याचा अंदाज वर्तवण्यात येत आहे. पेट्रोल पंपावरील एका व्यक्तीने वाचवण्यासाठी प्रयत्न केला मात्र चाकूचा धाक दाखवत आरोपीने त्याला देखील धमकवल्याचे व्हिडीओमध्ये दिसत आहे. हत्येच्या घटनेनंतर परिसरात खळबळफरार आरोपी सत्यम गावंडेच्या शोधासाठी करमाड पोलिसांनी विशेष पथके रवाना केली आहेत. सार्वजनिक ठिकाणी अशा प्रकारे हत्या करण्याचे धैर्य गुन्हेगारांमध्ये येतेच कसे, असा संतप्त सवाल नागरिकांकडून विचारला जात आहे. या घटनेने परिसरात खळबळ उडाली असून नागरिकांमध्ये संतापाचे वातावरण आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

छत्रपती संभाजीनगर:-  छत्रपती शिवाजी महाराज हे केवळ एका कालखंडाचे राजे नसून, ते एका प्रगत सामाजिक आणि आर्थिक विचारसरणीचे प्रवर्तक होते. त्यांच्या पुण्यतिथीच्या निमित्ताने आयोजित 'शिवराय का आठवावे' या ऑनलाईन व्याख्यानातून ज्येष्ठ विचारवंत प्रा. डॉ. उमेश बगाडे यांनी महाराजांच्या धोरणांचे अत्यंत चिकित्सक आणि विविधांगी विश्लेषण केले. 

निमित्त होते, देवगिरी महाविद्यालय (छत्रपती संभाजीनगर), प्रतिष्ठान महाविद्यालय (पैठण), संत तुकाराम महाविद्यालय (कन्नड) यांच्या संयुक्त इतिहास विभाग आणि लोकसंवाद फाऊंडेशन (छत्रपती संभाजीनगर), यांच्या वतीने आयोजित 'शिवराय का आठवावे' या ऑनलाईन व्याख्यानाचे. ३ एप्रिल २०२६ रोजी संपन्न झालेल्या या कार्यक्रमात डॉ. उमेश बगाडे यांनी शिवरायांच्या धोरणांचे विविधांगी आणि समाजशास्त्रीय पैलू उलगडले.

आपल्या अभ्यासपूर्ण मांडणीत डॉ. उमेश बगाडे यांनी वारकरी संप्रदाय आणि शिवराय यांच्यातील सुसंगती अत्यंत नावीन्यपूर्ण पद्धतीने मांडली. ते म्हणाले की, "संतांनी जो समतेचा विचार आध्यात्मिक स्तरावर मांडला, त्याला शिवरायांनी स्वराज्याच्या रूपाने राजकीय आणि सामाजिक अधिष्ठान मिळवून दिले." अठरापगड जातींना एकत्र करून स्वराज्याची निर्मिती करणे, ही केवळ लष्करी गरज नव्हती तर तो एक यशस्वी सामाजिक समतेचा प्रयोग होता, असे त्यांनी नमूद केले.

व्याख्यानाचा मुख्य भर महाराजांच्या शेतकरी आणि न्यायविषयक धोरणांवर होता. डॉ. उमेश बगाडे यांनी विश्लेषणात्मक मांडणी करताना सांगितले की, महाराजांनी तत्कालीन जाचक सरंजामशाही व्यवस्था मोडीत काढून रयतेचे थेट राज्य निर्माण केले. त्यांच्या प्रशासनाचा केंद्रबिंदू हा शेतकरी होता. 'रयतेच्या भाजीच्या देठालाही हात लावू नका' हा त्यांचा आदेश केवळ लष्करी शिस्त नसून ती प्रजेप्रती असलेल्या संवेदनशीलतेची आणि सहिष्णूतेची सर्वोच्च पराकाष्ठा होती.

किल्ल्यांच्या बांधकामात आणि त्यांच्या संरक्षणात महादेव कोळी समाजासह सर्वच कष्टकरी समाजाचे जे योगदान राहिले, त्याकडे डॉ. उमेश बगाडे यांनी विशेष लक्ष वेधले. आंग्रे घराण्याने उभारलेले प्रभावी नौदल हे भारताच्या सागरी सीमा सुरक्षित करणारे पहिले स्वावलंबी पाऊल होते. विशेषतः 'खरात प्रकरणा'चा ऐतिहासिक दाखला देत, महाराजांनी कर्मकांडांना झुगारून देऊन विवेकी आणि न्याय्य राज्याची निर्मिती कशी केली, यावर त्यांनी प्रकाश टाकला.

परकीय व्यापारावर अंकुश ठेवण्यासाठी मिठावर लावलेला कर असो वा दक्षिण दिग्विजयावेळी राजकीय लवचिकता दाखवून केलेली गोवळकोंडा भेट असो; शिवरायांचे प्रत्येक पाऊल हे स्वराज्याच्या दीर्घकालीन हितासाठी होते. त्यांचे महिलांविषयक धोरण हे आजही आधुनिक जगासाठी नैतिकतेचा मानदंड असल्याचे डॉ. बगाडे यांनी अधोरेखित केले.

कार्यक्रमाचे अध्यक्ष प्राचार्य डॉ. शरद गावंडे यांनी आपल्या भाषणात या व्याख्यानाच्या औचित्यावर भाष्य केले. शिवरायांचे विचार आजच्या पिढीपर्यंत वस्तुनिष्ठ आणि वैज्ञानिक दृष्टिकोनातून पोहोचवणे ही काळाची गरज असल्याचे त्यांनी सांगितले. या उपक्रमासाठी प्रो. प्राचार्य रवी पाटील आणि प्रो. प्राचार्य जी. एस. सोनकांबळे यांचे विशेष सहकार्य लाभले. प्रमुख उपस्थितीमध्ये डॉ. गणेश मोहिते उपप्राचार्य देवगिरी महाविद्यालय छत्रपती संभाजी नगर डॉ. चेतना सोनकांबळे डॉ.मुकेश भोगे डॉ. अमोल मस्के प्रस्ताविक डॉ. राजेश करपे यांनी केले तर आभार डॉ. सुवर्णा पाटील यांनी मानले सूत्रसंचालन डॉ. महेश रोटे यांनी केले कार्यक्रमाच्या कार्यक्रमाच्या यशस्वीतेसाठी डॉ. बाळासाहेब टेकाळे प्रा. राजाराम जेवे, डॉ सुभाष सूर्यवंशी, डॉ. उमेश नवल, डॉ. दिगंबर जाधव, प्रा. पायल सूर्यवंशी, प्रा. रेवनाथ मस्के यांनी सहकार्य केले तसेच तीनही महाविद्यालयातील प्राध्यापकांनी सहकार्य केले आणि उपस्थिती दर्शवली महाविद्यालयांचे प्राध्यापक, इतिहास संशोधक आणि विद्यार्थी मोठ्या संख्येने सहभागी झाले होते.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

कन्नड (अरुण थोरात):  चापानेर जिल्हापरिषद गटा च्या नवनिर्वाचित जिल्हा परिषद सदस्या मिनाक्षी किशोर पवार यांची जिल्हा परिषद संभाजीनगर च्या महिला बालकल्याण सभापती पदी निवड झाल्याने कार्यकर्ते, नागरिकांनी आनंद व्यक्त केला आहे.

कन्नड तालुक्यातील चापानेर जिल्हा परिषद गटावर स्व.नारायणराव पवार यांच्या परिवाराचे गेली चार पाच पंचवार्षिक पासून वर्चस्व राहिले आहे. नुकत्याच झालेल्या जिल्हापरिषद निवडणुकीत ही मा.जि.प.सदस्य किशोर आबा पवार यांच्या पत्नी तथा मा.मंत्री बबनराव लोणीकर यांच्या कन्या मिनाक्षी पवार यांनी भाजप च्या तिकिटावर दणदणीत विजय मिळवित सत्ता काबिज केली. 

भाजप ने जिल्हा परिषदे वरती सत्ता मिळवित अध्यक्ष व उपाध्यक्ष मिळवित, मित्र पक्ष शिवसेनेला धक्का दिला होता. त्यामुळे जिल्हा परिषदेत तालुक्याला कोणते सभापती पद मिळते याकडे तालुक्याचे लक्ष लागले होते. दि.02 एप्रिल रोजी झालेल्या विविध सभापती पदांच्या निवडीत महिला बालकल्याण सभापती पदाची माळ मिनाक्षी पवार यांच्या गळ्यात पडल्याने कार्यकर्ते, ग्रामस्थांनी आनंद व्यक्त केला.

या निवडी बद्दल भाजप संभाजीनगर जिल्हाध्यक्ष संजय खंबायते, राज्य कार्यकारणी सदस्य तथा जिल्हापरिषद सदस्य डॉ. संजय गव्हाणे, जिल्हापरिषद सदस्या मंजुषा मलदुडे, भाजप जिल्हा सरचिटणीस सुभाष काळे, भाजप पश्चिम मंडलाध्यक्ष ललित सुरासे, मा.पंचायत समिती उपसभापती सुनिल निकम, अरुण थोरात, भावेश शिंदे, सुदाम पवार, दिनकर दाभाडे, रतन मधे, आदींनी अभिनंदन केले आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

लोणावळ्यातील वाकसई परिसरात मटण संपल्याच्या कारणावरून झालेल्या वादातून एका रिसॉर्ट कर्मचाऱ्याला गंभीर मारहाण करण्यात आली आहे. झेस्टिन हिल रिसॉर्टमध्ये जेवणासाठी आलेल्या १५ जणांच्या गटाने कर्मचाऱ्यांवर हल्ला केला. या हल्ल्यात एक कर्मचारी गंभीर जखमी झाला असून त्याच्यावर अतिदक्षता विभागात उपचार सुरू आहेत. लोणावळा ग्रामीण पोलिसांनी या प्रकरणी हत्येचा प्रयत्न केल्याचा गुन्हा दाखल केला आहे.

पोलिसांनी दिलेल्या माहितीनुसार, मुंबईहून आलेल्या १५ जणांच्या या गटाने २६ मार्च रोजी दुपारच्या सुमारास वाकसई येथील झेस्टिन हिल रिसॉर्टमध्ये मुक्काम केला होता. दुपारच्या जेवणासाठी त्यांनी मटणाची ऑर्डर दिली. मात्र, रिसॉर्टमध्ये मटण उपलब्ध नसल्याचे कर्मचाऱ्यांनी सांगितल्यावर गटातील काही सदस्यांनी संताप व्यक्त करत वाद घालण्यास सुरुवात केली. हा तोंडी वाद काही वेळातच हिंसक बनला.

रिसॉर्टच्या चालक साधना मोहन भोईर यांनी दिलेल्या तक्रारीनुसार, गटातील काही जणांनी अचानक आक्रमक होत त्यांच्यावर लाथाबुक्क्यांनी हल्ला केला. त्यांचे डोके प्लास्टिकच्या खुर्चीवर आपटण्यात आले. त्यानंतर आरोपींनी स्वयंपाकघरातील आचारी महेश, मदतनीस संदीप आणि नितीन यांनाही मारहाण केली.

हल्लेखोरांनी रिसॉर्टमधील कर्मचारी सौरभ गोरे यांनाही मारहाण केली. गोरे यांच्या पोटावर आणि कमरेवर गंभीर मार लागल्याने त्यांची प्रकृती चिंताजनक बनली. त्यांना तातडीने रुग्णालयात दाखल करण्यात आले. डॉक्टरांच्या तपासणीत त्यांच्या मूत्राशयाला गंभीर दुखापत झाल्याचे समोर आले आहे. सध्या त्यांच्यावर अतिदक्षता विभागात उपचार सुरू असून त्यांची प्रकृती नाजूक असल्याचे डॉक्टरांनी सांगितले.

घटनेनंतर रिसॉर्ट व्यवस्थापनाने लोणावळा ग्रामीण पोलिस ठाण्यात तक्रार नोंदवली. पोलिसांनी या प्रकरणाची गंभीर दखल घेत भारतीय न्याय संहितेच्या संबंधित कलमांनुसार हत्येचा प्रयत्न केल्याचा गुन्हा दाखल केला आहे. पोलिसांनी १५ आरोपींपैकी पाच जणांची ओळख पटवली आहे. यामध्ये मुलुंड येथील वैभव वैती, ठाण्यातील स्मित वेनी आणि राज नाईक, तसेच भावेश वाईंगणकर आणि ललित वैती यांचा समावेश आहे. उर्वरित आरोपींचा शोध सुरू असून त्यांना लवकरच अटक करण्यात येईल, असे पोलिसांनी सांगितले.

या घटनेमुळे लोणावळा परिसरात खळबळ उडाली असून पर्यटनस्थळांवरील सुरक्षेचा प्रश्न पुन्हा ऐरणीवर आला आहे. किरकोळ कारणावरून एवढ्या मोठ्या प्रमाणात हिंसाचार घडणे ही चिंताजनक बाब असल्याचे स्थानिक नागरिकांचे मत आहे.

हॉटेल किंवा रेस्टॉरंटमध्ये एखादा पदार्थ उपलब्ध नसल्यास ग्राहकांनी संयम राखणे अपेक्षित असताना अशा प्रकारे कायदा हातात घेणे हे गंभीर गुन्हेगारीकडे झुकणारे कृत्य असल्याचेही मत व्यक्त केले जात आहे.पोलिसांकडून या प्रकरणाचा पुढील तपास सुरू असून सर्व आरोपींना लवकरच अटक करून न्यायालयासमोर उभे केले जाईल, असे सांगण्यात आले आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

उमरगा ( प्रा. सुधीर पंचगल्ले ) : धाराशिव जिल्ह्यातील उमरगा तालुक्यातील कलदेव निंबाळा येथील रहिवाशी चंद्रकांत गणपतराव पाटील मुख्याध्यापक तथा विस्तार अधिकारी शिक्षण पंचायत समिती उमरगा जिल्हा धाराशिव हे दिनांक 31 मार्च 2026 रोजी सेवा निवृत्त होत आहेत. यानिमित्त 30 मार्च 2026 रोजी सकाळी दहा वाजता गौरव कार्यक्रमाचे आयोजन करण्यात आले आहे. 
या कार्यक्रमासाठी धाराशिव जिल्हा परिषदेच्या नूतन उपाध्यक्षा सन्माननीय उषाताई रवींद्र गायकवाड, उमरगा पंचायत समितीच्या नूतन सभापती एडवोकेट आकांक्षा चौगुले, धाराशिव जिल्हा परिषदेचे सदस्य, सन्माननीय रफिक तांबोळी, महाराष्ट्र प्रदेश राष्ट्रवादी काँग्रेसचे प्रदेश उपाध्यक्ष सन्माननीय प्राध्यापक सुरेशराव बिराजदार, केसर जवळग्याचे माजी सरपंच अमोल पटवारी आदी मान्यवर निमंत्रित करण्यात आले आहे. कार्यक्रमाच्या अध्यक्षस्थानी निवृत्त मुख्याध्यापक गणपतराव पाटील हे असणार आहेत. कलदेव निंबाळ्याच्या सभागृहामध्ये कार्यक्रमाचे आयोजन करण्यात आले आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

पश्चिम आशियातील संघर्षामुळे आपल्या वाहनांसाठी गॅसचा पुरवठा होत नसल्याचा आरोप करत, अनेक रिक्षाचालकांनी रविवारी मंत्री संजय शिरसाट यांच्या निवासस्थानाबाहेर निदर्शने केली.

गेल्या काही दिवसांपासून इंधन पंपांवर रांगा लावूनही इंधन मिळत नसल्याने जिल्ह्याचे पालकमंत्री असलेल्या शिरसाट यांना आपली ही बिकट अवस्था कळावी, यासाठी त्यांनी अशा प्रकारचे आंदोलन करण्याचा निर्णय घेतला असल्याचे रिक्षाचालकांनी सांगितले.यावर मंत्री शिरसाट यांनी जिल्हा पुरवठा अधिकाऱ्यांशी संपर्क साधला आणि रिक्षाचालकांना मदत करण्यासाठी आवश्यक त्या उपाययोजना करण्याचे निर्देश दिले.

या रिक्षाचालकांना गेल्या चार दिवसांपासून इंधन मिळालेले नाही. या चालकांना त्रास देणाऱ्या इंधन पंपांवर कारवाई करा. त्यांचे परवाने रद्द करा, असे शिरसाट यांनी जिल्हा पुरवठा अधिकाऱ्यांना सांगितले.

दरम्यान, ठाकरेसेनेचे नेते अंबादास दानवे यांनी सोशल मिडीया पोस्टमध्ये म्हटले की, छत्रपती संभाजीनगरमध्ये गॅसचा तुटवडा निर्माण झाला आहे आणि इंधन पंपचालक इंधनासाठी मनमानी दराने पैसे आकारत आहेत.

इंधन पंपचालकांनी त्यांच्याकडे उपलब्ध असलेला साठा (स्टॉक) फलकावर प्रदर्शित केला पाहिजे आणि सर्व व्यवहारांच्या पावत्याही दिल्या पाहिजेत. जर या मागण्या २४ तासांच्या आत पूर्ण झाल्या नाहीत, तर ठाकरेसेना रिक्षाचालकांच्या समर्थनार्थ आंदोलन सुरू करेल, असे दानवे यांनी म्हटले.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे

कन्नड(अरुण थोरात):  व्यसनमुक्ती आणि समाजप्रबोधनाच्या क्षेत्रात मोलाचे योगदान दिल्याबद्दल सामाजिक, शैक्षणिक व राजकीय क्षेत्रात कार्यरत असलेले राजेंद्र गव्हाणे यांना राज्य शासनाचा मानाचा 'राष्ट्रपिता महात्मा गांधी राज्यस्तरीय व्यसनमुक्ती सेवा पुरस्कार' देऊन गौरविण्यात आले.

मुंबई येथील यशवंतराव चव्हाण सेंटरमध्ये दि. 26 मार्च रोजी आयोजित करण्यात आलेल्या दिमाखदार सोहळ्यात हा सन्मान प्रदान करण्यात आला. याप्रसंगी विधानसभा अध्यक्ष राहुल नार्वेकर, केंद्रीय राज्यमंत्री रामदास आठवले, सामाजिक न्यायमंत्री संजय शिरसाठ, सामाजिक न्याय विभागाचे प्रधान सचिव हर्षदीप कांबळे, समाजकल्याण आयुक्त दीपा मुधोळ-मुंढे, उपायुक्त पी. बी. वाबळे, माजी गृह राज्यमंत्री सिद्धराम म्हेत्रे, आमदार डॉ. तुषार राठोड आदी मान्यवरांची प्रमुख उपस्थिती होती.

या गौरव सोहळ्याप्रसंगी बोलताना राजेंद्र गव्हाणे म्हणाले, की हा पुरस्कार गेल्या वीस वर्षांपासून केलेल्या कामाची पावती आहे. या पुरस्कारामुळे जबाबदारी आणखी वाढली आहे. माझी पत्नी संगीता, तसेच मोहित आणि हर्षदा या माझ्या मुलांनी मला वेळोवेळी साथ दिल्यानेच मी या पुरस्काराच मानकरी ठरलो. हा पुरस्कार मी माझ्या आईवडिलांना अर्पण करतो, अशा शब्दांत त्यांनी आपली कृतज्ञता व्यक्त केली. राजेंद्र गव्हाणे यांना मिळालेल्या या राज्यस्तरीय पुरस्कारामुळे कन्नड येथील राजकीय, सामाजिक, शैक्षणिक क्षेत्रातून त्यांचे कौतुक होत आहे.

राजेंद्र गव्हाणे गेल्या २0 वर्षांपासून शिक्षण क्षेत्रात कार्यरत असून, सामाजिक क्षेत्रातही त्यांनी उल्लेखनीय योगदान दिले आहे. तरुण पिढीला व्यसनांपासून दूर राहण्यासाठी विविध उपक्रम राबविले असून, अनेकांनी व्यसनमुक्तीचा मार्ग दाखवला आहे. गरीब विद्यार्थ्यांना आर्थिक, तसेच शालोपयोगी साहित्य वाटप केले आहे. निवासी वसतिगृहातील विद्यार्थ्यांना व्यसनमुक्तीचे प्रबोधन केले आहे. या पुरस्कारामुळे कन्नड तालुक्यातील सामाजिक, शैक्षणिक व राजकीय क्षेत्रातील कार्याचे सर्वत्र कौतुक होत आहे.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे